Рәсми Татарстан

Рөстәм Миңнеханов: Киләсе XI Саммит федераль дәрәҗәдә узачак

Бу хакта Рөстәм Миңнеханов Ислам хезмәттәшлеге оешмасы (ИХО) Генераль секретаре Йосыф бин Әхмәд Әл Үсәймин белән очрашуда белдерде.
11.05 09:14

(Казан, 11 май, "Татар-информ"). Татарстан Президенты сүзләренчә, киләсе XI KazanSummit федераль статуска ирешәчәк, киң колач алачак. Катнашучылар саны да артачак. Бу хакта кичә, 10 майда, Рөстәм Миңнеханов Ислам хезмәттәшлеге оешмасы (ИХО) Генераль секретаре Йосыф бин Әхмәд Әл Үсәймин белән очрашуда белдерде, дип хәбәр итә республика җитәкчесенең матбугат хезмәте.

Киләсе XI KazanSummit федераль статуска ирешәчәк, киң колач алачак. Шулай ук Россиянең беренче затлары килү дә көтелә. Быел да шулай булыр, дип планлаштырылган иде, әмма саммит ил Хөкүмәтен формалаштыру вакытына туры килде. Быел ук саммитка 50дән артык илдән 3 меңнән артык катнашучы килде.

Рөстәм Миңнеханов ИХО Генераль секретаренә Россия өчен Ислам дөньясы илләре белән мөнәсәбәтләрне үстерү мөһимлеген һәм бу эштә Татарстанның тоткан урыны турында сөйләде. Ул үзе, Россия Федерациясе Президенты Владимир Путин кушуы буенча, «Россия-Ислам дөньясы» стратегик караш төркемен җитәкли.

Россия һәм аның белән үзара мөнәсәбәтләр ИХО илләре өчен зур әһәмияткә ия, диде доктор Әл Үсәймин. «Беренче чиратта, чөнки Россиядә 25 миллионнан артык мөселман яши. ИХО – сәяси һәм дини оешма түгел, без кешеләрне мөселманнарга һәм мөселман булмаганнарга бүлмибез. Әмма безнең уставта мөселман кардәшләребезне кайгырту язылган. Ә Россиядә мөселманнар, башка диннәр вәкилләре кебек үк, яхшы яши, аларның һәрберсе үз динен тота һәм гыйбадәтләрен үти ала», диде Үсәймин.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.