Дин

Казахстанда кояш батареялары ярдәмендә эшләүче экомәчет ачылды

Мәчет кояш батареялары ярдәмендә эшли, үзен тәэмин итә, хәтта шәһәр өчен дә җылылык энергиясе бирә ала.
11.05 13:37

(Казан, 11 май, “Татар-информ”). Казахстанда кояш батареялары ярдәмендә эшләүче экомәчет ачылды, дип хәбәр итә Интерфакс.

“Әлеге мәчетнең стилистикасы үзенчәлекле. Минемчә бу шундый постмодернизм стиле. Төп үзенчәлеге – яшел технологияләр. Мәчет кояш батареялары ярдәмендә эшли, үзен тәэмин итә, хәтта шәһәр өчен дә җылылык энергиясе бирә ала. Ул үзен-үзе тулысынча тәэмин итәчәк”, - дип белдерде дин һәм гражданлык җәмгыяте эшләре министры Дархан Калетаев. Министрның сүзләрен җомга көнне "Tengrinews" порталы язды.

Проектны эшләүчеләрнең кисәтүе буенча, яңа мәчетне энергия белән тәэмин итүче корылмалар, җылылык энергиясен өч тапкыр артыграк эшләп чыгара.

Мәчетнең төп бинасының төньяк өлешендә урнашкан манараның биеклеге 43,5 метр, ул “калама” – “изге каурый” рәвешендә ясалган.

“Мәчет бик җылы, без җылы идәннәр ясадык, чишенү бүлмәсе бар, хатын-кызлар залы икенче катта урнашкан. Мәчет эчендә заманча дизайн кулланылды, тулысынча авангард, орнаментлар да бар. Күпләр аны казах орнаменты түгел дияр, ә без аларны яңа казах орнаментлары, дип саныйбыз. Анда барысы да үзенчәлекле итеп эшләнгән. Алмата дизайнерлары эшләде. Урын җитәрлек, машиналар белән дә, чишенгәндә, тәһарәт алганда да ыгы-зыгы булмаячак. Монда барысы да җитә”, - дип сөйләделәр журналистларга проектны эшләүчеләр.

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.