Авыл

Азнакай районында кыр эшләренә багышланган киңәшмә узды

Ул көнне ата-бабаларыбыздан күчкән ел саен туфрак уңдырышлыгына өмет баглап үтәлә торган йола - җир куенына йомыркалар тәгәрәтелде.
12.05 02:00

(Азнакай, 12 май, "Татар-информ", “Маяк”, Энҗе Галәветдинова). Бу көннәрдә район хуҗалыкларының һәммәсе дә җиң сызганып эшлиләр, табигать шартларының һәр мөмкинлеген файдаланып калырга тырышалар. "Азнакай" агрофирмасының 6 нчы бүлекчәсе Сәпәй авылы басуында район җитәкчелеге, авыл хуҗалыгы идарәсе белгечләре, аксакал игенчеләр һәм хуҗалык башлыклары катнашында кыр эшләренә багышланган киңәшмә узды, дип яза җирле басма.

Киңәшмәне район башлыгы Марсель Шәйдуллин ачып җибәрде.

– Елның-елында азнакайлылар мул уңышка ныклы нигез салалар. Быел да трактор-тырмаларны ялт итеп төзекләндерделәр. Язгы кыр эшләренә хәрбиләрчә әзерлек белән аяк бастылар. Игенчеләребез сынатмаслар, Алла боерса, чәчүне үзвакытында уңышлы төгәлләрбез. Яз соңарып килү сәбәпле, быелгы чәчү аеруча җаваплылык, оешканлыкны таләп итә. Шуңа күрә туфрак дымлы чакта өлгерергә, аяз көннәрнең һәр сәгатеннән мөмкин кадәр нәтиҗәле итеп файдаланып калырга кирәк, – диде җитәкче.
Авыл хуҗалыгы һәм азык-төлек идарәсе җитәкчесе Миргасим Усманов та быелгы чәчүгә игътибарны арттырырга кирәк, дип басым ясады.

– "Язын чәчсәң – сазга чәч", – дип, белми әйтмәгәннәр борынгылар. Чәчү өстендә бер көн соңга калу да зур югалтуга тиң. Ә эш күләме аз түгел, барлыгы 61,2 мең гектар җир тырмаганны, чәчкәнне, катоклаганны көтә. Аларны кыска срокта һәм сыйфатлы итеп башкарып чыгу өчен игенчеләребез көне-төне кырда. Бүгенге көндә уҗым культуралары тукландырылган. 19,7 мең гектар мәйданда күпьеллыкларны ашлау дәвам итә. Тырмалау, культивация эшләре дә тулы куәтенә бара. 11 майга 15 мең гектардан артык мәйданда арпа, солы, көнбагыш, борчак һәм башка культуралар чәчелгән. Район игенчеләре республикада алдынгы унлыкта баралар. “Союз-Агро” һәм “Азнакай” агрофирмасы җәмгыятьләрендә эш тәүлек дәвамында бара. Калган хуҗалыклар да сынатмыйлар. Һәр елдагыча, нәтиҗәле күрсәткечләргә ирешкән механизаторларны акчалата бүләкләү көтә, – диде ул.

Ул көнне шулай ук изге теләкләр һәм дога сүзләре белән җир куенына йомыркалар тәгәрәтелде. Бу – ата-бабаларыбыздан күчкән ел саен туфрак уңдырышлыгына өмет баглап үтәлә торган йола. .

 

 

КӨН ҮЗӘГЕНДӘ

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Киләсе елга хаҗ кылу өчен килешүләр төзи башлаганнар

2018 елда “ДУМ РТ ХАҖ” программасы аша 1800 кеше хаҗ сәфәренә барган.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов