Спорт

Владимир Леонов: Франция журналистлары Татарстанда 200дән артык бассейн булуына ышанмады

Татарстан яшьләр эшләре һәм спорт министры Казанга Париж журналистлары сәфәре турында сөйләде.
12.05 14:47

(Казан, 12 май, “Татар-информ”). Франция журналистлары Казанга сәфәрләре вакытында Татарстанда бүген 200дән артык бассейн эшләвенә ышанмадылар. Бу хакта “Татмедиа” генераль директоры Андрей Кузьминга “Татар-информ” агентлыгы өчен интервьюсында Татарстан яшьләр эшләре һәм спорт министры Владимир Леонов белдерде.

Париж хәбәрчеләре Дөнья чемпионаты алдыннан Татарстанга сюжет төшерү өчен килделәр. “Ике егет бөтен Россия буйлап футбол буенча Дөнья чемпионатына репортаж төшереп йөри. Франция командасы Казанда уйнагач, алар безгә килгәннәр. Алар күп җирләрдә йөргәннәр, Мәскәүдә дә булырга өлгергәннәр, соңгы шәһәрләрнең берсе буларак Казанда булдылар. Беренчедән, алар шәһәрне күреп шаккатканнар. Алар мондый шәһәр булуын, биредә шулай матур булуын белмәгәннәр дә. Алар Париждан. Алар футбол, “Рубин”, Казан-Арена” турында сөйли башладылар. Аннары без спорт инфраструктурасына күчтек, мин аларга якынча саннар әйттем. Егетләр йөзү белән мавыга. Бездә 205 бассейн бар дигәч, алар миңа ышанмады. Аннары алар бездә 50 метрлы бассейннар ничәү булуын сорадылар. Алар профессиональ бассейннар, алар профессиональләр өчен мөһим. Андыйлар бездә унау. Алар тагын ышанмадылар. Без барып санадык. Франция башкаласы Парижда 50 метрлы бер бассейн да юк”, - дип сөйләде Леонов.

Әңгәмәне тулысынча sntat.ru сайтында укыгыз. Видеосын YouTubе та «татар-информ” агентлыгы каналында карарга мөмкин. Әңгәмәне шимбә 18.30 сәгатьтә һәм якшәмбе, 13.30 сәгатьтә “Татарстан 24” телеканалында “Интервью без галстука с Андреем Кузьминым” программасында карарга мөмкин булачак.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.

«Ак Барс» оешмасы Идел буе округында арзанлы суднолар лизингы буенча проект гамәлгә ашыра

Компаниянең партнеры "Сбербанк" була, проект 2 миллиард сумга бәяләнә.