Татар дөньясы

Төмән татарлары ветераннар, сугыш еллары балалары өчен хәтер кичәсе уздырган

Алар каршында чыгыш ясаучы балалар татар һәм рус телләрендә сугыш елы җырларын җырлаган, шигырьләр сөйләгән.
13.05 15:54

(Казан, 13 май, "Татар-информ"). "Этнос” балалар үзәгендә сугыш, тыл ветераннары, сугыш еллары балалары өчен хәтер кичәсе узды, дип хәбәр итте Төмән татарларының "Яңарыш" сайты.

Кунакларны үзәкнең яңа директоры Гөлнара Сәгыйтова тәбрикләгән. “Күпме еллар үтсә дә, халык хәтерендә Бөек Ватан сугышы иң авыр, дәһшәтле сугыш буларак саклана. Без якташларыбызның батырлыклары белән горурланабыз, туган җирдән еракта башларын салган милләттәшләребезнең якты истәлеге күңелләребездә мәңге сакланыр”, - дигән ул.

Чарада шәһәр Думасы депутаты Динар Абукин, Төмән район татар милли-мәдәни автономиясе әгъзасы, җәмәгать эшлеклесе Хәмзә Биктимиров, үзәкне оештырган, озак еллар җитәкчесе булып эшләгән Венера Хәйруллина катнашып, тәбрикләү сүзләре белән чыгыш ясаган.

"Хөрмәтле тыл ветераннары өчен концертны үзәк хезмәткәрләре, мәктәп укучылары матур чыгышлары белән бизәделәр. Балалар татар һәм рус телләрендә сугыш елы җырлары, шигырьләр бүләк иттеләр. Өстәл артында утыручы кунаклар да аларга кушылып җырладылар. Балалар аларга үз куллары белән ясаган бүләкләрен тапшырдылар. Филология фәннәре кандидаты Мөнирә Хөснетдинова ветераннар хөрмәтенә җыр башкарды", дип яза Нәсимә Ташбулатова.

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.