Дин

Симферопольдә “Хуш килдең, Рамазан!” бәйрәме булды

Бәйрәмнең максаты - рамазанның унбер айның солтаны булуын балаларга төшендерү һәм алар күңеленә сеңдерү, ди оештыручылар.
13.05 14:19

(Казан, 13 май, “Татар-информ”). 12 майда Симферопольдә балалар һәм өлкәннәр өчен “Хуш килдең, Рамазан!” бәйрәме булды. Чараны Кырым мөселманнары Диния нәзарәтенең “Файдалы илем” дини-агарту проекты оештырды. Бу турыда Кырым мөселманнары Диния нәзарәте матбугат хезмәте хәбәр итте.

Бәйрәмдә “Әманәт” иҗади студиясе концерты, сюрпризлар һәм викториналар булган. "Нәсел" бию ансамбле милли һәм заманча биюләр башкарган. Мөселман дизайнерларының кул эшләре күргәзмәсе булган. 

"Файдалы илем" проектын оештыручы, ислам нигезләре мөгаллимәсе Зәйнәб Бәирова сүзләренчә, бәйрәм инде традицион рәвештә өченче ел рәттән уздырыла. Аның максаты балаларга изге ай килүен җиткерү, Рамазанның 11 айның солтаны булуын төшендерү һәм алар күңеленә сеңдерү булып тора. 

“Без ата-аналар, өйдә, билгеле, бу темага сөйләшәбез, ураза көннәрен билгеләп үтәбез, балаларга Рамазан турында риваятьләр сөйлибез. Әмма әлеге бәйрәмнәр берләштерә һәм балаларда шатлык халәте һәм гадәти булмаган кичерешләр калдыра”, - диде Зәйнәб Бәирова.

 

КӨН ҮЗӘГЕНДӘ

18 августның төп вакыйгалары - фото һәм сылтамалар

М.Шәймиев пенсия реформасының котылгысыз булуын әйтте, Р.Миңнеханов Мәскәүдә сәнгать осталары концертын карады, Оренбургта "Мулла" фильмын күрсәтәләр.

Оренбургта "Мулла" фильмы күрсәтеләчәк

Кинотасма "Восток&Запад" кинофестивалендә тәкъдим ителә.

Минтимер Шәймиев пенсия реформасына карата фикерен җиткерде

Ул реформаның котылгысыз булуын билгеләп узды.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Кызыл Байрак авылында композитор Салих Сәйдәшевне искә алдылар

“Сәйдәш аланы” дип исемләнгән сәнгать бәйрәме быел ундүртенче тапкыр үткәрелә.