Икътисад

«Татарстанда кыр көне – 2018» күргәзмәсе Лаешта узачак

Күргәзмәдә Россия һәм Татарстан селекциясенең көзге һәм язгы авыл хуҗалыгы культураларының чәчүлекләре һ.б. күрсәтеләчәк.
13.05 13:01

(Казан, 13 май, «Татар-информ»). 28 — 29 июньдә Татарстан Республикасының Лаеш муниципаль районында «РФА КазФҮ» фәнни-тикшеренү үзәгенең тәҗрибә кырларында «Татарстанда кыр көне — 2018» күргәзмәсе узачак. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

Күргәзмәдә Россия һәм Татарстан селекциясенең көзге һәм язгы авыл хуҗалыгы культураларының күргәзмә чәчүлекләре күрсәтеләчәк, төрле авыл хуҗалыгы техникасы һәм җайланмалары, шулай ук АПК иөлкәсендә яңа технологияләр дә булачак.

«Татарстанда кыр көне — 2018» күргәзмәсе экспозициясе «Үсемлекчелек», «АПКны инженер-техник тәэмин итү», «Терлекчелек» һәм «Чирәмле мәйдан» блокларыннан тора. Территориянең гомуми мәйданы 60 гектардан артык.

«Үсемлекчелек» блогында көзге һәм язгы культуралар чәчелгән җир кишәрлекләре күрсәтеләчәк. Биредә катнашучы компанияләр яңа технологияләр һәм үсемлекләрне селекцияләү ысулларын күрсәтәләр.

«АПКны инженер-техник тәэмин итү» блогында авыл хуҗалыгы техникасын, «Терлекчелек блогында» — нәселле терлекләрне күрергә мөмкин булачак.

«Чирәмле мәйдан» блогында агросәнәгать комплексының төрле юнәлешләре өчен технологияләр һәм җайланмалар белән танышу өчен мәйданчыклар оештырыла.

Форумның эшлекле программасы кысаларында Россиядә һәм Татарстан Республикасында авыл хуҗалыгы хуҗалыгының үсеш перспективаларына багышланган актуаль темаларга пленар сессияләр узачак.

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.