Спорт

Лениногорск районының Каран авылында узган бәйгедә атлар 10 чакрымга узышты

Лениногорск районы атларыннан тыш, бәйгедә Саба, Зәй, Бөгелмә, Әлки, Менделеевск атлары да катнашты.
13.05 22:00

(Лениногорск, 13 май, "Татар-информ", "Заман сулышы"). Лениногорск районның Югары Каран авылында атлар чабышы - бәйге уздыру традициягә керде. Ул быел өченче мәртәбә үткәрелде, дип яза җирле басма.

 Атлар чабышы Сабантуй бәйрәмен хәтерләтте. Халык та күпләп килгән иде. Төрле уеннар, конкурслар оештырылды. Матур ял концерты карадылар.

Татар токымлы атлар 3,5 км һәм 7 километрга узышты. Өченче чабышта төрле токымлы 4 яшьтән өлкәнрәк булган атлар 10,5 километрга чапты.

Лениногорск районы атларыннан тыш, бәйгедә Саба, Зәй, Бөгелмә, Әлки, Менделеевск атлары да катнашты.

Бәйрәмдә республика авыл хуҗалыгы министры урынбасары Нәҗип Хаҗипов, авыл хуҗалыгы министрлыгыннан Ришат Зарипов, аксакаллар шурасы оешмасы рәисе Рәүф Ибраһимов, район башлыгы Рәгать Хөсәенов катнашты. 

Атлар чабышы көнне төрле мастер-класслар күрсәттеләр. Халык аларны күзәтте, кайберләре кызыксынып, ничек эшләргә икәнлекләрен дә сорады.

 

Бөгелмә районыннан килгән Роза ханым Рәхмәтуллина киез келәм туку серләренә төшендерде. Ул 1980 елда шөгыльләнә башлаган. Бирегә дә төрле үлчәмдәге келәмнәр алып килгән. Ул аларны аерым тема буенча эшләгән.

Шулай ук Азнакайдан килеп, ат дагалау буенча мастер-класс күрсәттеләр.

Балчыктан эшләнмәләр ясап карау да күпчелек халыкка ошады.

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.