Фән һәм мәгариф

Бухарест шәһәрендә узган Infomatrix - халыкара бәйгедә актанышлылар өченче урын алды

Кыска гына вакыт эчендә районның "йөзек кашы"на әверелгән гимназиянең әлеге сәләтле яшьләре Актанышка 16 май көнне кайтачак.
14.05 08:00

(Актаныш, 14 май,"Татар-информ", "Актаныш таңнары", Руслан Усманов). Румыния башкаласы Бухарест шәһәрендә узган Infomatrix - халыкара бәйгедә Актанышның Сәләтле балалар өчен гуманитар гимназия-интернатында белем алучы 7 сыйныф укучылары III урынны яулады, дип яза җирле басма.

Гимназиянең перспектив, яшь укытучыларының берсе булган Гыйлаев Фәнил җитәкчелегендәге 3 укучы - Аделя Усманова, Таңсылу Хаҗиева, Марат Вихаревлар, үзләре тарафыннан әзерләнгән проектны уңышлы яклап,зур җиңүгә иреште.

Ерак араларны якын итеп Актаныштан Румыниягә барган бу укучылар, шул рәвешле, Актаныш, Татарстан данын гына түгел, Россияне дә яклап чыгыш ясадылар.

Кыска гына вакыт эчендә районның "йөзек кашы"на әверелгән гимназиянең әлеге сәләтле яшьләре Актанышка 16 май көнне кайтачак.

Бухарест шәһәрендә узган Infomatrix - халыкара бәйгедә 46 илдән 1016 укучы катнашкан, алар тарафыннан 595 проект тәкъдим ителгән.

КӨН ҮЗӘГЕНДӘ

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.

Туристларга Казанда милли сәнгать белән танышу кызыклы - Гөлчәчәк Нәҗипова

Футбол буенча дөнья чемпионаты көннәрендә Татарстан музейлары программасына багышланган матбугат конференциясе үтте.

Айдар Галимов: Туган телебез яхшы якка бармый, бетүгә таба бара

“Без, кызганычка каршы, барыбыз да шуңа өлеш кертәбез”, - ди җырчы.

Россия Көрәш федерациясе аккредитациясен 2020 елга кадәр озайттылар

Мәскәүдә Россиядәге иҗтимагый спорт оешмаларын аккредитацияләү комиссиясенең чираттагы утырышы узды.