Мәдәният

Муса Җәлил театры балет артисты дәүләт бүләгенә лаек булды

Руслан Савденов - күпсанлы халыкара фестиваль һәм конкурслар лауреаты.
14.05 07:39

(Казан, 14 май, "Татар-информ"). Татарстан мәдәният министры Ирада Әюпова Муса Җәлил исемендәге Татар дәүләт опера һәм балет театры артисты, күпсанлы халыкара фестиваль һәм конкурслар лауреаты Савденов Руслан Мөхтәр улына дәүләт бүләген тапшырды, диелә Мәдәният министрлыгы матбугат хезмәте хәбәрендә.

Татарстан Президенты Указы нигезендә, Муса Җәлил исемендәге Татар дәүләт опера һәм балет театрының балет артисты (солист) Савденов Руслан Мөхтәр улына “Татарстан Республикасының атказанган артисты” дигән мактаулы исем бирелде, диелә хәбәрдә. Әлеге югары бүләк балет биючесенә нәтиҗәле хезмәте һәм балет сәнгатен үстерүгә керткән өлеше өчен бирелгән.

  • Савденов Руслан Мөхтәр улы 1983 елның 5 июлендә Алма-Ата шәһәрендә туа. А.В. Селезнёв исемендәге Алма-Ата хореография училищесын тәмамлый. 2002-2012 елларда – Муса Җәлил исемендәге Татар дәүләт опера һәм балет театры солисты, 2012-2017елларда – П.Чайковский исемендәге Пермь опера һәм балет театры солисты, 2017 елдан – Франц○иянең Тулуз шәһәрендәге Theatre du Capitol балеты солисты.
  • Казанда бүгенге көннәрдә бара торган Нуриев исемендәге классик балет фестивалендә Шүрәле ролен башкару өчен Руслан Савденов Франциядән килде. Ул Җәлил театры сәхнәсендә Шүрәле ролен  соңгы тапкыр 2011 елда башкарган булган. 

 “Соңгы тапкыр Шүрәлене 2011 елда биегән идем. Казанга чакыруны рәхәтләнеп кабул иттем һәм бик яратып әзерләндем”, - диде ул "Татар-информ" хәбәрчесенә "Шүрәле" спектакленә кадәр әңгәмәдә. 

 

КӨН ҮЗӘГЕНДӘ

Васил Шәйхразиев Барнаулның Җәмигъ мәчетендә ифтар мәҗлесендә катнашты

Милли Шура рәисе Алтай крае дини һәм милли оешмаларның, гыйбадәт йортларының эшчәнлеге белән танышты.

Язучылар берлеге әдәби премияләргә кандидатлар күрсәтте

Идарә туган телне саклау буенча Россия җитәкчелегенә мөрәҗәгать әзерләнүе турында әйтелде.

23 майның төп вакыйгалары - фото һәм сылтамалар

Сессиядә туган телләрне укыту турында закон проектын карауны тәкъдим итәчәкләр, Рөстәм Миңнеханов Түбән Камада Химиклар көнен бәйрәм итүдә катнашты.

Фәрит Мөхәммәтшин татарстанлыларны Cлавян язуы һәм мәдәнияте көне белән котлады

"Cлавян язуы һәм мәдәнияте көне җәмгыятьтә үзара аңлашуга тагын бер адым булачагына ышанам”, - диелгән котлауда.

Татарстан Дәүләт Киңәшчесенә Казан Мәрьям Ана иконасы соборының интерьерын тәкъдим иттеләр

Минтимер Шәймиев Казан Мәрьям Ана иконасы соборының төзелеше белән танышты.