Дин

Республика ифтарын ир-атлар һәм хатын-кызлар өчен аерым уздыру сәбәбе билгеле булды

Ифтар мәҗлесенә 26 майда 5 мең ир-ат, 27 майда 5 мең хатын-кыз җыелачак.
14.05 12:34

(Казан, 14 май, “Татар-информ”, Гөлнар Гарифуллина). Быел VI Республика ифтары 26-27 май көннәрендә Казан теннис академиясендә узачак. 26 майда 5 мең ир-ат өчен республикакүләм Ифтар мәҗлесе узачак. 27 майда шунда ук 5 мең хатын-кыз җыелачак. Ике көнгә бүлеп уздыруның сәбәпләренә бүген “Татар-информ” мәгълүмат агентлыгында матбугат конференциясендә ачыклык керттеләр.

Оештыручылар – ТР мөселманнары Диния нәзарәте, РФ мөселман эшмәкәрләре ассоциациясе, “Kazan-Arena” җәмгыяте.

“Kazan-Arena” АҖ генераль директоры Радик Миңнәхмәтов ел саен Рамазан аеның 10 көнгә күчеп баруын искәртте. “Моңа кадәр ифтар җәй уртасындарак “Казан-Арена”да үтә иде. Яңгыр башланган очракта, безнең өсте каплана торган урыннар бар иде. Былтыр 10 мең кеше җыеп, Теннис академиясендә июньдә үткәрдек, тик яңгырга эләгү куркынычы бар иде. Быел майда булуын күздә тотып, бу куркыныч тагын да арта, шуңа күрә бина эчендә уздырырга уйладык. Теннис академиясендә бишәр мең кеше сыйдырышлы ике зал бар. Аның берсендә намаз укыячакбыз, икенчесендә ифтар узачак. Һава шартларына бәйле булмаслык итеп үткәрергә ниятләдек”, - дип белдерде Радик Миңнәхмәтов. Ул ирләр һәм хатын-кызлар өчен бүлеп үткәрү нәтиҗәсендә, оештыру мәсьәләләре дә җайлырак хәл ителәчәген әйтте.

Татарстан мөфтие Камил хәзрәт Сәмигуллин аның сүзен җөпләде. “Без шулай уңайлырак булыр дип уйладык. Ирләр һәм хатын-кызларның мәнфәгатьләренә карап, программасы да аерылачак”, - диде мөфти.

Программаның нечкәлекләрен ачып салмасалар да, оештыручылар быел ифтарның күркәм итеп уздырылачагына ышандырдылар.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.