Спорт

Иске Чүпрәле командасы футбол буенча турнирда чемпион булды

Сембер шәһәреннән кайткан "Задур" командасы икенче һәм Яңа Элмәле белән Кече Чынлы футболчылары өченче – дүртенче урыннарны бүлештеләр.
14.05 23:00

(Чүпрәле, 14 май, "Татар-информ", "Туган як", Рәшит Фәтхуллов). Һәр елны, традиция буларак, бөек Җиңү бәйрәме уңаеннан үзәгендә Марат Сәлахов истәлегенә футбол буенча турнир үткәрелә. Быел да әлеге уеннарда сигез команда катнашты. Турнирны ачу тантанасында Марат Сәлаховның тормыш иптәше Миләүшә һәм ике кызы катнашты, дип яза җирле басма.

Район башкарма комитетының спорт һәм яшьләр эшләре буенча бүлек начальнигы Руслан Вильданов арабыздан фаҗигале төстә вакытсыз китеп барган Маратның тормыш юлы һәм район спортын үстерүгә керткән өлеше турында сөйләде. Әлбәттә, ул чактагы спортчылар Маратны яхшы хәтерли, әмма еллар узган саен буыннар да алмаша, өлкәннәр урынына яшерәкләр килә. Шулай да спортчылар республика күләмендә чемпион исемен яулап район спорты тарихында якты эз калдырган якташларын онытмыйлар, аның турында бары тик җылы хәтирәләр генә саклыйлар. Марат бик оста спортчы гына түгел, ул бик якты күңелле кеше дә иде. Әтиләре һәм тормыш иптәше истәлегенә Руслан Расыйхович Миләүшә ханымга истәлек бүләге тапшырды.

Турнир нәтиҗәләренә килгәндә, былтыр кубок иясе булган Иске Чүпрәле командасы быел да барлык көндәшләрен отып чемпион исемен яулады һәм күчмә кубокны өченче ел рәттән үзендә калдырды.

Сембер шәһәреннән кайткан "Задур" командасы икенче һәм Яңа Элмәле белән Кече Чынлы футболчылары өченче – дүртенче урыннарны бүлештеләр. Аларга дипломнар, медальләр һәм истәлек бүләкләре тапшырылды.

Спортчылар уеннарны оештыруда иганәчелек ярдәме күрсәткәннәре өчен футбол федерациясенең район филиалы җитәкчесе Валерий Художитковка, Маратның дуслары Тәлгать Хәйрулловка, Ильмир Мәхмутовка, Ринат Сәнатулловка һәм Фәрит Насретдиновка ихлас рәхмәтләрен әйттеләр.

 

 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.