Хәвеф-хәтәр

Лениногорскида янгын турында кисәтүче җайланма унике кеше гомерен саклап калган

Янгын Федотовка авылының Совет урамындагы ике фатирлы йортта чыккан.
14.05 14:11

(Казан, 14 май, «Татар-информ»). Лениногорск районының Федотовка авылында янгын турында кисәткеч җайланма унике кешенең гомерен саклап калган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.

11 майда Совет урамындагы ике фатирлы йортта янгын чыккан.

Бу вакытта йорт хуҗабикәсе гаиләсе белән йокы бүлмәсендә булган. Кайсыдыр мизгелдә ул аш бүлмәсендә узган елның җәендә республика акциясе кысаларында урнаштырылган янгын турында кисәткеч җайланма «телгә килүен» ишеткән.

Хатын кухняга йөгереп чыккан һәм веранда ягыннан бүлмәгә төтен керүен күреп алган. Ул тиз генә балаларын җыеп, урамга алып чыккан.

Күрше йорттагы хуҗабикә дә янгын турында кисәткеч җайланма хәбәрен ишеткән. Тәрәзәгә карагач, ул күрше йорттан төтен күтәрелүен күреп алган. Дүрт кешедән торган гаилә шулай ук урамга йөгереп чыккан.

Шулай итеп, янгын турында кисәткеч җайланма 12 кешенең гомерен саклап калган, шуларның сигезе – балалар.

Бүгенге көндә республикадагы 4713 хуҗалыкта 17 меңнән артык янгын турында кисәткеч җайланма урнаштырылган. 

КӨН ҮЗӘГЕНДӘ

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Роспотребнадзор прививкалардан баш тартмаска өнди

Яр Чаллыда ике баланың кызамык белән чирләвенә шик туу белән бәйле рәвештә, вакцинация үткәрелә.

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.

15 – 21 октябрь көннәренә Татарстанның мәдәни афишасы

Казанда “Идел-йорт” халык театрлары фестиваленең йомгаклау туры бара.