Хәвеф-хәтәр

Янгын сүндерүчеләр дөрес эшләгәнгә, Автосервис урамында шартлау булмый калган

Бүген иртән Казанның элеккеге 3нче тимер-бетон эшләнмәләр заводы территориясендә 25 ягулык цистернасы янган.
14.05 15:23

(Казан, 14 май, «Татар-информ»). Янгын белән көрәшүчеләрнең төгәл һәм дөрес эш итүе аркасында, Автосервис урамында шартлау булмый калган һәм янгын якын-тирәдәге корылмаларга таралмаган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.

Бүген иртән Казанның элеккеге 3нче тимер-бетон эшләнмәләр заводы территориясендә 25 ягулык цистернасы янды.

112 бердәм номерына янгын турында күпсанлы хәбәрләр иртәнге тугызынчы яртыда килә башлаган. Ут белән көрәшүчеләр урынга 10 минут эчендә килеп җиткән.

Алар килгәндә цистерналар дөрләп яна, резервуарлардан кайнар сыеклык ага, шартлау һәм янгынның күрше-тирә корылмаларга күчү куркынычы килеп туа.

Гадәттән тыш хәл булган урында 24 берәмлек техника һәм 84 кеше эшләгән. Янгынны 9.41 сәгатьтә сүндергәннәр.

Хәзерге вакытта белгечләр янгынның сәбәпләрен ачыклый. Урында Экология һәм табигый ресурслар министрлыгының күчмә лабораториясе, Роспотребнадзор хезмәткәрләре эшли.

«Янгынның сәбәпләре хакында соңрак хәбәр итәчәкбез. Ул технологик процессны бозу яки ут белән саксыз эш итү аркасында чыккандыр, мөгаен. Барлык версияләр дә тикшерелә. Предприятие буяу җитештерү белән шөгыльләнгән, 100 тоннага якын ацетон, толуол һәм изобутанол (300 кубка якын тиз кабынып китә торган сыеклык һәм химия) кулланышта булган», - дип хәбәр итте янгын булган урында Россия Гадәттән тыш хәлләр министрлыгының ТР буенча Баш идарәсе җитәкчесе урынбасары Рафаил Мотыйгуллин. 

КӨН ҮЗӘГЕНДӘ

Р.Миңнеханов Сүәеш каналындагы икътисади зона Татарстан инвесторларын кызыксындыруын әйтте

Татарстан Президенты Рөстәм Миңнеханов Мисыр тележурналисты Амро Әбдел-Хәмид - TEN TV телеканалы җитәкчесенә интервью бирде.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Киләсе елга хаҗ кылу өчен килешүләр төзи башлаганнар

2018 елда “ДУМ РТ ХАҖ” программасы аша 1800 кеше хаҗ сәфәренә барган.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов