Дин

Быел Рамазан аенда Төркиядән Татарстанга 47 Коръән-хафиз киләчәк

Мөфти сүзләренчә, республикада якынча 40 мәчеттә, Казанда егермеләп мәчеттә Коръәнне тулысынча уку ниятләнә.
14.05 16:18

(Казан, 14 май, “Татар-информ”, Гөлнар Гарифуллина). Быел Рамазан аенда Төркиядән Татарстанга 47 Коръән-хафиз килүе көтелә. Бу хакта “Татар-информ” агентлыгында матбугат конференциясендә Татарстан мөфтие Камил хәзрәт Сәмигуллин хәбәр итте.

Аның әйтүенчә, төрек имамнарының бер өлеше виза алган, якын арада республикага килеп җитәргә тиешләр. Камил хәзрәт Коръән-хафизларның берничәсенең Казанда калачагын, калганнарының төрле районнарга барачакларын әйтте.

“Рамазан ае дәвамында күп кенә мәчетләрдә ифтарлар үтәчәк. Диния нәзарәте сайтында ифтарларның кайсы мәчетләрдә уздырылачагы турында мәгълүмат булачак. Тәравих намазлары һәр мәчеттә укылачак, республикада якынча 40 мәчеттә, Казанда егермеләп мәчеттә Коръәнне тулысынча уку ниятләнә”, - диде Камил хәзрәт Сәмигуллин. Ул уразада “Игелекле эшләр айлыгы” акциясе барышында мохтаҗларга ярдәм йөзеннән акча җыелачагын да әйтте.

  • Быел мөселманнарның беренче көн уразага керү көне - 16 май. 15 июньдә Гает бәйрәме узачак.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.