Дин

Казансу яры буендагы мәчетне Корбан бәйрәменнән соң ачарга җыеналар

Татарстанда Гекдениз Карадениз ярдәме белән салына торган мәчетнең шулай ук җәй азагына төзелеп бетүе мөмкин.
14.05 16:57

(Казан, 14 май, “Татар-информ”, Гөлнар Гарифуллина). Кремль астындагы Казансу яры буенда мәчетне Корбан бәйрәменнән соң ачарга җыеналар. Бу хакта бүген “Татар- информ” агентлыгында узган матбугат конференциясендә Татарстан мөфтие Камил хәзрәт Сәмигуллин хәбәр итте.

Ул мәчетнең исеме әлегә төгәл билгеле булмавын әйткән иде. Әмма матбугат очрашуы тәмамлангач, журналистларга документларда мәчетнең “Ирек” мәчете дип язылганын белдерде. “Казансу буенда рәхәтләнеп йөреп, кереп намаз укып чыга алачаксыз”, - диде мөфти. Әлеге мәчет 2016 елның язында төзелә башлаган.

“Рубин” футбол командасының элекке уенчысы Гекдениз Карадениз ярдәме белән салына торган мәчетнең төгәл кайчан ачылачагын Камил хәзрәт әйтә алмады. “Кыш көне сөйләшкән идек, бүтән сөйләшмәдек. Җәйгә дигәннәр иде, әле белешмәдем. Корбаннан соң дип тә әйткәннәр иде, әлегә төгәл белмим”, - диде. Биектау районында төзелә торган бу мәчетнең “эш” исеме “Карадениз” булуын билгеләп узды.

Диния нәзарәте рәисе, шулай ук, “Мозаффария” мәктәбендә төзү-төзекләндерү эшләре алып барылуын белдерде. “Бу сентябрьгә үк өлгертә алмаячакбыз. Киров районында тагын бер бина алдык, малайларга шунда була, монда кызларга гына. Документлар әзерләнә, бу - катлаулы эш”, - диде.

 

КӨН ҮЗӘГЕНДӘ

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.

Туристларга Казанда милли сәнгать белән танышу кызыклы - Гөлчәчәк Нәҗипова

Футбол буенча дөнья чемпионаты көннәрендә Татарстан музейлары программасына багышланган матбугат конференциясе үтте.

Айдар Галимов: Туган телебез яхшы якка бармый, бетүгә таба бара

“Без, кызганычка каршы, барыбыз да шуңа өлеш кертәбез”, - ди җырчы.

Россия Көрәш федерациясе аккредитациясен 2020 елга кадәр озайттылар

Мәскәүдә Россиядәге иҗтимагый спорт оешмаларын аккредитацияләү комиссиясенең чираттагы утырышы узды.