Мәдәният

Казанда Дуслык йортында “Алмагачның ак чәчәге” II Бөтенроссия фестиваль-бәйгесе узды

Фестивальдә Мәскәү, Киров өлкәләре, Пермь крае, Удмуртия, Марий Эл һәм Татарстаннан аерым башкаручылар, халык иҗаты коллективлары катнашты.
14.05 18:22

(Казан, 14 май, “Татар-информ”). Татарстан халыклары Дуслык йортында “Алмагачның ак чәчәге” II Бөтенроссия фестиваль-бәйгесе узды. Фестивальдә Мәскәү, Киров өлкәләре, Пермь крае, Удмуртия Республикасы, Марий Эл һәм Татарстаннан катнашучылар шактый булды. Бу хакта Татарстан халыклары Дуслык йортын мәгълүмат үзәге хәбәр итә.

Вокал-хорда чыгышларны, уен коралларында уйнаучыларны, хореографиядә, сәнгатьле сөйләмдә катнашучыларны, декоратив-гамәли иҗат авторларын Татарстанның халык артисты Лидия Әхмәтова җитәкчелегендәге югары квалификацияле жюри бәяләде.

II Бөтенроссия фестиваль-бәйгесе йомгаклары буенча, жюри I, II, III дәрәҗәдәге Дипломант һәм Лауреатларны ачыклады. Алар оештыручылардан кубок, Диплом һәм махсус призлар алды.

Татарстаннан "Иҗади дебют" номинациясендә жюри - Казанның "Чишмә" ансамблен, "Бөек Җиңү көненә" номинациясендә - Лаешның "Смайлики" төркемен аерым билгеләп үтте. Югары һөнәри осталык һәм үз эшенә мәхәббәте өчен, җитәкчеләрдән - Ләйсән Гыйләҗева, Екатерина Холина, Ирина Барышева аерып күрсәтелде. Казанның 20нче Балалар музыка мәктәбе укытучысы - 1943 елда туган Денис Фраучига жюри аерым Рәхмәт сүзе белдерде.   

Әлеге чара барышында Росгвардиянең Татарстан буенча идарәсенең В. Кравчук җитәкчелегендәге Хәрби оркестры, “Красная горка” ансамбле, “ФОРПОСТ” республика яшьләр үзәге активистлары чыгыш ясады.

Соңыннан сугыш ветераннары өчен чәй табыны булды. Фестиваль көне ветераннар өчен концерт белән төгәлләнде.
 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.