Фән һәм мәгариф

“Телләргә каршы” закон проектын карауны көзгә күчергәннәр

Туган телләрне факультатив итеп укыту турындагы закон проекты җәмәгатьчелекнең күпчелек өлешендә тискәре реакция тудырды.
14.05 18:40

(Казан, 14 май, "Татар-информ"). Туган телләрне факультатив итеп укыту турындагы закон проектын карау Дәүләт Думасының көзге сессиясенә күчерелгән. Ул сентябрь аенда булырга тиеш. Тиешле карарны Дәүләт Думасының Мәгариф һәм фән буенча комитеты кабул иткән. Бу хакта парламентның түбән палатасы сайтында проект карточкасында әйтелгән.

“Мәгариф турында”гы федераль законга үзгәрешләр турындагы закон проекты Дәүләт Думасына 2018 елның 10 апрелендә кертелгән. Аның авторлары туган телләрне укытуны вариатив (мәҗбүри булмаган) өлешкә күчерүне тәкъдим итә.

Парламентарийлар тәкъдиме җәмәгатьчелекнең күпчелек өлешендә негатив реакция тудырды. Интернетта аңа каршы имза җыю оештырылды. Петициягә инде 21 меңләп кеше имза куйган.

10 майда туган телләрне саклауны яклап чыгучы инициатив төркем милли республикалар мәнфәгатен яклаучы Дәүләт Думасы депутатларына һәм Федерация Советы әгъзаларына ачык мәрәҗәгать юллады.

Соңрак Россия Президенты карамагындагы Кеше хокуклары буенча совет та парламентарийлар тәкъдименә каршы чыкты.
 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.