Хәвеф-хәтәр

Татарстанда чүп машинасы юл кырыена төшеп ауган

Юл-транспорт һәлакәте М7 трассасында Питрәч районы Шәле авылы янында килеп чыккан.
14.05 19:58

(Казан, 14 май, “Татар-информ”). Татарстанда чүп ташый торган машина юл кырыена төшеп китеп ауган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

М7 трассасында Питрәч районы Шәле авылы янында килеп чыккан юл-транспорт һәлакәте турындагы хәбәр бердәм 112 экстрен хезмәте номерына дүшәмбе, 14 майда 03 сәгать 30 минутта алынган.

М7 трассасының 854нче чакрымында ике йөк машинасы – чүп ташый торган “ЗИЛ” һәм йөк машинасы “Скания” бәрелешкән.

Бәрелешү нәтиҗәсендә чүп машинасы юл кырыена төшеп әйләнеп капланган, чүп җиргә коелган.

Беренчел мәгълүматлар буенча, “Скания”нең 50 яшьлек йөртүчесе йоклап киткән һәм “ЗИЛ”гә барып бәрелгән.

Чүп ташый торган машинаның 67 яшьлек йөртүчесе зур булмаган зыян күргән. Янып китмәсен дип, ике машинаның да аккумуляторларын сүндергәннәр.


 

КӨН ҮЗӘГЕНДӘ

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.

15 – 21 октябрь көннәренә Татарстанның мәдәни афишасы

Казанда “Идел-йорт” халык театрлары фестиваленең йомгаклау туры бара.