Мәдәният

Югары татар КВН лигасында “Агро Boys” командасы җиңү яулады

Финалга чыккан “Агро Boys” (Казан), “Биш Бармак” (Мамадыш) һәм “Текә Тау” (Биектау) командалары югары лигада көч сынашты.
14.05 22:34

(Казан, 14 май, “Татар-информ”, Алмаз Шиһабетдинов). Бүген Казанның “Ак Барс” яшьләр үзәге концерт залында “Шаяннар һәм тапкырлар клубы” югары татар КВН лигасының финал уенында “Агро Boys” командасы җиңү яулады.

Уенда финалга чыккан “Агро Boys” (Казан), “Биш Бармак”, (Мамадыш) һәм “Текә Тау” (Биектау) командалары катнашты.

Командалар сәламләү, разминка, видеоблог һәм эстрада йолдызы белән музыкаль өй эше бәйгеләрендә ярышты.

"Йолдыз" белән музыкаль өй эшендә “Агро Boys”-  юморист Сирин Бәйрәмов, “Биш Бармак” - Ләйсән Мәхмүтова һәм “Текә Тау” командасы Зөлфәт Зиннуров белән чыгыш әзерләгән.

Коллективларның чыгышына “Шаяннар һәм тапкырлар клубы” югары татар лигасы җитәкчесе, ТР ШТК чемпионаты директоры Рамил Әһдиев, чараның алыштыргысыз жюри әгъзасы Фәридә Якупова, җырчы Илназ Сафиуллин, «Татар радиосы»ның баш мөхәррире Айваз Садыйров, беренче татар блогерларының берсе Ринат Галиәхмәтов, «Бөтендөнья татар яшьләре форумы» рәисе Тәбрис Яруллин, «Хәзинә тур» операторы генераль директоры Комил Сираҗетдинов бәя бирде.

Жюри уенга нәтиҗә ясаганнан соң, 17,1 балл туплап, 3нче урында - “Текә Тау” командасы; 17,3 балл белән 2нче урында “Бишбармак” булды.

Уенда 18,2 балл җыйган Казан дәүләт Аграр университетының “Агро Boys” командасы җиңү яулады. Бу - “Агро Boys” командасының икенче тапкыр чемпион калуы.

Финалистлар дипломнар һәм истәлекле бүләкләр белән бүләкләнде. Җиңүче командага кубок та тапшырылды.
 

КӨН ҮЗӘГЕНДӘ

Оренбургта "Мулла" фильмы күрсәтеләчәк

Кинотасма "Восток&Запад" кинофестивалендә тәкъдим ителә.

Минтимер Шәймиев пенсия реформасына карата фикерен җиткерде

Ул реформаның котылгысыз булуын билгеләп узды.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

В.Соловьев милли матбугатның иң яхшы язмаларын русчага тәрҗемәсен бирергә тәкъдим итте

Россия журналистлары берлеге рәисе ММЧ турындагы законның яңа форматы турында уйланырга тәкъдим итте.