Мәдәният

Әлмәттә җиңүче картина хуҗасына 200 мең сум акча бирелде

"Арт-Сабантуй" проекты шәһәрдә 2013 елдан башлап "Татнефть" компаниясе ярдәмендә гамәлгә ашырыла.
15.05 09:00

(Әлмәт,15 май, "Татар-информ", "Әлмәт таңнары"). Әлмәттә картиналар галереясында "Арт-Сабантуй 2018" бәйгесенә йомгак ясалды. Ай дәвамында тамашачылар биргән тавышлар нәтиҗәсендә "Дедуля с внучкой. Весна" картинасы җиңүче дип табылган. Аның авторы – Уфа кызы Вера Фролова. Җиңүче картина хуҗасына 200 мең сум акча бирелде , дип яза җирле басма.

Җиңүчеләрне "Татнефть" компаниясенең техник-икътисади мәгълүмат һәм алдынгы тәҗрибәне тарату бүлеге начальнигы Нурия Вәлиева, Әлмәт картиналар галереясы директоры Роза Минабетдинова, мәдәният идарәсе начальнигы урынбасары Эльмира Хәсәнова тәбрик итте.

"Арт-Сабантуй" проекты шәһәрдә 2013 елдан башлап "Татнефть" компаниясе ярдәмендә гамәлгә ашырыла. Быел бәйгегә 100 дән артык эш кабул ителгән. Шуларның 30ы тамашачы хөкеменә куелган. Бәйге темасы быел аеруча да горур яңгырады – "Безнең заман баһадирлары". Күчмә күргәзмәдә 12 меңнән артык кеше тавыш биргән.

Бәйгедә икенче урынны Түбән Камадан Олег Исаевның "Дед, ты для меня герой!" картинасы яулады. Өченче урында – Лениногорскидан Тамара Самойлованың "Отец Константин" картинасы. Җиңүчеләр дипломнар һәм акчалата бүләкләргә лаек булды. Бәйгедә катнашучыларга "Татнефть АЗС-Центр"дан ягулык карталары бүләк ителде.

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.