Мәдәният

Бүген "Әлиф" хореографик спектакле Азербайҗан театр фестивалендә күрсәтелә

12–19 майда Азербайҗанның Шеки шәһәрендә халыкара театр фестивале үтә.
15.05 14:09

(Казан, 15 май, «Татар-информ», Рузилә Мөхәммәтова). Бүген Азербайҗанның Шеки шәһәрендә "Әлиф" хореографик спектакле күрсәтеләчәк. Хәзерге вакытта фестивальне оештыручылар спектакль өчен сәхнә идәненә ком җәю белән мәшгуль. Бу хакта проектның администраторы Алена Батуллина хәбәр итә.

  • 15 апрель көнне “Алтын битлек” милли театр премиясе тантанасында Нурбәк Батуллага "Заманча балет" номинациясендә “Алтын битлек” тапшырылды.

Нурбәк Батулла «Алтын битлек» театр премиясен алганнан соң, «Татар-информ» мәгълүмат агентлыгында уздырылган матбугат конференциясендә «Әлиф» хореографик спектакленең идея авторы һәм режиссеры Туфан Имаметдинов Азербайҗан Республикасының бу спектакль белән бик кызыксынуын әйткән иде. Чөнки әлеге төрки халык та шул ук алфавит алышуны кыенлыгын күргән. Әмма егетләр юлга акча таба алмаганнар иде.Оештыручылар катнашучыларның яшәү һәм туклану чыгымнарын үз өсләренә алалар. Юл чыгымнары катнашучыларның үз җаваплылыгында кала. Спектакльне куючы команданың Азербайҗанга юл чыгымнарын Татарстан Мәдәният министрлыгы үз өстенә алган.

  • 12 – 19 майда Азербайҗанның Шеки шәһәрендә халыкара театр фестивале үтә. Фестивальнең максаты – заманча театр сәнгатенең иң яхшы үрнәкләрен күрсәтү. 

Бүгенге чыгыш - хореографик спектакльнең “Алтын битлек” милли театр премиясе алганнан соң беренче күрсәтелүе.

"Әлиф" хореографик спектаклендә Азербайҗанда Эльмира Кәлимуллина да җырлый. Композитор Эльмир Низамов әйтүенчә, ул Мәскәүдә дә спектакльдә катнашкан.

  • "Әлиф" хореографик спектакленең идея авторы, режиссеры – Казан яшь тамашачы театрының баш режиссеры Туфан Имаметдинов, хореографы - Марсель Нуриев, композиторы - Эльмир Низамов. Авторларның идеясен сәхнәдә биюче Нурбәк Батуллин гәүдәләндерә – ул татар халкында 1927 елга кадәр гамәлдә булган гарәп имласын бии. Хореографик спектакльдә музыкантлар да катнаша. Сәхнәнең икенче ягында өч җырчы кыз Нурбәкнең хәрәкәтләрен – ул биегән хәрефләрне авазлар белән белдерәләр.

 

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.