Хәвеф-хәтәр

Татарстанда ике автомобиль бәрелешеп, дүрт кеше зыян күргән

Бүген иртән Әлмәт районында җитди юл һәлакәте булган.
15.05 21:44

(Казан, 15 май, «Татар-информ»). Татарстанда ике автомобиль «маңгайга-маңгай» бәрелешү аркасында дүрт кеше зыян күргән, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.

Әлмәт районының Колшәрип авылы янында җитди юл һәлакәте булуы хакында хәбәр 112 бердәм номерына бүген 09.33 сәгатьтә килгән.

Урынга 7нче зона янгын-коткару отряды һәм 65нче янгын-коткару часте хезмәткәрләре юл тоткан. Алар ике автомобильнең дә аккумуляторларын өзгән һәм һәлакәт булган урынны җентекләп тикшергән.

Башлангыч мәгълүматларга караганда, Казан – Оренбург трассасының 241нче чакрымында «Рено Сандеро» һәм 12нче модель «Лада» автомобильләре «маңгайга-маңгай» бәрелешкән.

Нәтиҗәдә, «Рено» автомобиленең ике пассажиры — 80 һәм 50 яшьлек хатын-кызлар җитди зыян күргән. Аларны авыр хәлдә Әлмәткә - «Татнефть» АҖ медсанчастенә китергәннәр.

«Рено»ның 24 яшьлек пассажиры һәм «Лада»ның 36 яшьлек шоферы исә җиңелчә тән җәрәхәтләре белән генә «котылган». Аларны шулай ук ашыгыч ярдәм машинасында «Татнефть» АҖ медсанчастенә озатканнар.

КӨН ҮЗӘГЕНДӘ

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Роспотребнадзор прививкалардан баш тартмаска өнди

Яр Чаллыда ике баланың кызамык белән чирләвенә шик туу белән бәйле рәвештә, вакцинация үткәрелә.

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.

15 – 21 октябрь көннәренә Татарстанның мәдәни афишасы

Казанда “Идел-йорт” халык театрлары фестиваленең йомгаклау туры бара.