Дин

Татарстан мөфтие халыкны кабул итү көне уздырды

Татарстан мөселманнары Диния нәзарәтендә очрашуда "Хозур” нәшрият йорты директоры Ришат Хәмидуллин да катнашты.
15.05 19:26

(Казан, 15 май, “Татар-информ”). Бүген Татарстан мөселманнары Диния нәзарәтендә халыкны кабул итү көне узды. Татарстан мөфтие Камил хәзрәт Сәмигуллин төрледән-төрле мәсьәләләр буенча мөрәҗәгать итүчеләр белән очрашты. Бу хакта Татарстан мөселманнары Диния нәзарәтенең матбугат хезмәте хәбәр итә.

Кунаклар хәзрәткә үзләренең мөрәҗәгатьләрен һәм тәкъдимнәрен җиткерде.

“Җир асты байлыклары өлкәсендә Идел буе фәнни-аналитик үзәге” генераль директоры Равил Бәхтиев белән очрашуда сүз хәзерге көндә Россиянең төрле төбәкләрендә яшәүче татар мөселманнарына Ислам кыйммәтләрен җиткерү турында барды. Мөфти хәзрәт мөхтәрәм кунакка “Гыйбадәт кылулар һәм дини йолалар уздыру турында нигезләмә”нең тулыландырылган басмасы әзерләнүе турында сөйләде.

Алга таба очрашу Бөтендөнья татар конгрессы рәисе урынбасары Марс Тукаев белән дәвам итте. Камил хәзрәт Сәмигуллин аның белән IX Бөтенроссия татар дин әһелләре форумы турында сөйләште, Диния нәзарәтенең әлеге чарада катнашу мөмкинлекләре белән кызыксынды.

Бүгенге очрашуда шулай ук “Хозур” нәшрият йорты директоры Ришат Хәмидуллин да катнашты. Ул секция утырышларында дини мирасны кайтару юнәлешендә эшләүче электрон китапханә – “Дарул кутуб” һәм татар, рус телләрендә динебез кыйммәтләрен җиткерүче “Хузур-ТВ” телевидениесе турында якыннанрак таныштырырга теләвен әйтте.
 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.