Татар дөньясы

Төмән татарлары дини укуларын тәмамлаган

Ислам мәгърифәт үзәге җитәкчесе Искәндәр хәзрәт Юсупов һәркемгә укуларны уңышлы тәмамлау турында сертификат тапшырган.
15.05 17:39

(Казан, 15 май, "Татар-информ"). Төмән өлкәсе мөселманнары Диния нәзарәте офисында үткән елның сентябрендә Динар хәзрәт Нәфыйков алып барган дини укуларга йөри башлаган төркем соңгы очрашуга җыелган. Бу турыда Төмән татарларының "Яңарыш" сайтыхәбәр итте.

Укулыра көзгә кадәр тәмамланган. Очрашуда Ислам мәгърифәт үзәге җитәкчесе Искәндәр хәзрәт Юсупов һәркемгә укуларны уңышлы тәмамлау турында сертификат тапшырган.

Очрашуда сүз тиздән башланачак Рамазан ае, аның төп шартлары һәм Бөек Ватан сугышы батыры – өченче дәрәҗә Дан ордены кавалеры Хәбибулла Якин турында барды, диелгән әлеге хәбәрдә.

"Өлкәбезнең, милләтебезнең горурлыгы булган Хәбибулла Хәйрулла улы турында Константин Симонов төшергән документаль фильмнан өзек күрсәтелде, кызы Лариса, укучысы Сәлимә Ахиярова истәлекләрен сөйләделәр", дип яза Гөлнур Вәлиева.

"Ике ел эчендә күп белемнәр тупладык: гарәп графикасын үзләштердек, Коръән сүрәләрен гарәпчә укый башладык һәм башка башка нәрсәләргә өйрәндек. Динар хәзрәт бик көчле дин әһеле, гарәпчәне, саф татар телен дә бик яхшы белә, нинди генә сорау бирсәң дә, тулы итеп җавап бирә, андый белемле кеше бик сирәк, - дип зур рәхмәтләрен җиткергән Рафаэль Гадиев.

Очрашу азагында сугышта һәлак булган якыннары рухына дога кылып, үзләре алып килгән тәм-томнар белән чәй эчкәннәр. 

КӨН ҮЗӘГЕНДӘ

Чуваш журналисты милли телләр язмышын тел белгечләре хәл итәргә тиеш дип саный

Ирина Трифонова сүзләренчә, ата-аналар уйламыйча туган телләрдән баш тартачаклар.

Татарстан мөфтие туган телләрне саклау турында Путинга петицияне хуплады

Камил хәзрәт Сәмигуллин ватандашларны Россия халыкларының туган телләрен укытуны саклау өчен мөрәҗәгатьне якларга чакыра.

Васил Шәйхразиев Алтай краенда Сабан туе мәйданы белән танышты

Алтай краеның Алтай районы “Бирюзовая Катунь” махсус икътисади зонасында 17 июньдә Сабан туе узачак.

Татарстанда гражданнарга бушлай юридик ярдәм күрсәтү системасында 148 адвокат катнаша

Бушлай юридик ярдәм күрсәтүдә дәүләт һәм дәүләти булмаган система бар.

Милли шура рәисе Алтай крае хөкүмәте вәкилләре белән очрашты

12 июнь көнне Алтайда Сабан туе узачак территориядә зур фольклор бәйрәме була.