Хәвеф-хәтәр

Мәгариф министрлыгында Лаеш интернат-мәктәбе эше буенча тентү бара

Тикшерүчеләр 44 яшьлек учреждение җитәкчесе Венера Дәүлиеваның җинаять эшчәнлегенә карата тагын бер эпизодны ачыклаган.
15.05 18:43

(Казан, 15 май, “Татар-информ”). Татарстан мәгариф министрлыгында Лаеш интернат-мәктәбе эше буенча тентү бара, тикшерүчеләр үзләрен кызыксындырган документларны ала. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий әйтте.

Татарстанда учреждение җитәкчесе 44 яшьлек Венера Дәүлиевага карата җинаять эшен тикшерү дәвам итә. Ул “Мошенниклык” маддәсе буенча җинаятьләр сериясендә шикләнелә.

Алдан Россия Эчке эшләр министрлыгының Лаеш районы буенча икътисади куркынычсызлык һәм коррупциягә каршы көрәш төркеме хезмәткәрләре мәктәп җитәкчесе аш пешерүчеләргә азык-төлекнең, шул исәптән итне дә, бер өлешен үзе өчен чыгарырга кушканлыгын ачыклаган. Нәтиҗәдә, хатын-кыз 230 меңлек азык-төлек үзләштергән. Шулай ук аның күрсәтмәсе нигезендә мәктәпнең машина йөртүчесе 100 меңнән артык бәягә ягулык-майлау материалларын исәптән чыгарган.

Россия Эчке эшләр министрлыгының Татарстан Республикасы буенча матбугат хезмәте хәбәр итүенчә, ул даими рәвештә фиктив килешүләр буенча китерелгән азык-төлектән акча алган. Китерелгән гомуми зыян 398 мең сумны тәшкил иткән.

Россия Тикшерү комитетының Татарстан буенча Тикшерү комитеты мәгълүматлары буенча, тикшерү барышында Дәүлиеваның җинаять эшчәнлегенә карата тагын бер эпизодны билгели алганнар. Тикшерү фаразлары буенча, ул узган ел уртасында Татарстан Карате берлегенә җәйге лагерь оештыру өчен мәктәп бинасын биргән. Аның өчен 1 миллион 155 меңнән дә ким булмаган акча алган. Бу акча мәктәп хисабына күчмәгән.

Алдан Дәүлиева сак астына алынган булган. Әмма республика Югары суды аны өй сагында калдырган. Бүген яңа эш кысаларында ул кабат тоткарланган.

Интернат-мәктәп директоры җинаять эшенә катышы барлыгын танымый.
 

КӨН ҮЗӘГЕНДӘ

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.