Рәсми Татарстан

Рөстәм Миңнеханов Саратовта күчмә киңәшмәдә катнашты

Очрашуда яшьләр арасында деструктив карашлар, агымнар таралу профилактикасы, наркотик, психотроп матдәләр таралуга каршы чаралар турында сөйләштеләр.
15.05 19:49

(Казан, 15 май, “Татар-информ”). Татарстан Президенты Рөстәм Миңнеханов Саратовта эшлекле сәфәрдә булды. Ул анда Россия Куркынычсызлык советы сәркатибе һәм Россия Президентының Идел буе федераль округындагы тулы вәкаләтле вәкиленең уртак күчмә киңәшмәсендә катнашты. Бу хакта Татарстан Президентының матбугат хезмәте хәбәр итә.

Саратовта уртак киңәшмәне Россия Куркынычсызлык советы сәркатибе Николай Патрушев һәм Россия Президентының Идел буе федераль округындагы тулы вәкаләтле вәкиле Михаил Бабич уздырды.

Чара кысаларында, Идел буе федераль округы төбәк башлыклары, илнең федераль министрлык һәм ведомство вәкилләре белән берлектә, укучы яшьләр арасында деструктив карашлар һәм агымнар таралу профилактикасы буенча, шулай ук законсыз рәвештә наркотик, психотроп матдәләр таралуга каршы чаралар турында фикер алыштылар.

Россия Куркынычсызлык советы сәркатибе Николай Патрушев яшьләрне тәрбияләүдә гражданлык-патриотик һәм рухи-әхлакый нәтиҗәлелекне күтәрү турында сөйләде.

Михаил Бабич игьтибарны антинаркотик эшчәнлек проблемаларына туплады. Россия Президентының Идел буе федераль округындагы тулы вәкаләтле вәкиле сүзләренчә, округ төбәкләрендә наркотик вазгыятьне сәламәтләндерү буенча комплекслы чаралар тормышка ашырыла. Әлеге проблемага дәүләт, хокук саклау һәм контрольдә тотучы ведомство органнары ягыннан аерым игътибар бирелә.

Киңәшмә кысаларныда федераль министрлык һәм ведомство вәкилләре, көч структуралары, төбәк башлыклары, Россия Куркынычсызлык советы әгъзалары чыгышлары булды. Күрсәтелгән проблема һәм мәсьәләләрне чишүдә тәкъдимнәр әйтелде.

Киңәшмә нәтиҗәләре буенча, конструктив тәкъдимнәр проектка кертелеп, Россия Федерациясе Президентына җиткереләчәк.  

КӨН ҮЗӘГЕНДӘ

Туган телләрне укыту турындагы закон проекты буенча аңлашу бар – Илдар Гыйльметдинов

Туган телләрне укыту турындагы закон проекты буенча РФ Президенты администрациясендә киңәшмә узды, дип хәбәр итте депутат.

Петербург халыкара икътисади форумында Татарстан роботларын сатып алганнар

Җитештерүдә биш кеше хезмәтен бер робот алыштырачак.

Эстониядә республиканың йөз еллыгына багышлап Сабан туе оештырганнар

Сабан туена Литва, Швеция, Чехия һәм Эстониянең барлык шәһәрләреннән килгәннәр.

Р.Миңнеханов һәм А.Миллер инновацияләр өлкәсендә хезмәттәшлек турында килешү имзалады

"Газпром"га әлеге тема буенча тәҗрибә-конструкторлык эшен хәзерге вакытта Иннополис университеты башкара.

Әгерҗедә Солтановлар гаиләсе бытбылдык үрчетә

Бүгенге көндә бу хуҗалыкта 2,5 мең баштан артык кош бар.