Татар дөньясы

Васил Шәйхразиев Россиянең Франциядәге сәүдә вәкиле белән очрашты

“Безнең максат дөнья буйлап сибелгән татарларны берләштерү, туган телебезне саклау”, – диде Милли Шура рәисе.
15.05 19:32

(Казан, 15 май, "Татар-информ"). Татарстан Премьер-министры урынбасары, Бөтендөнья татар конгрессының Милли Шура рәисе Васил Шәйхразиев эшлекле сәфәр белән Франциядә. Васил Шәйхразиевның көн тәртибендәге беренче очрашуы Россия Федерациясенең Франциядәге сәүдә вәкиле Александр Туров белән булды. Бу турыда Бөтендөнья татар конгрессы матбугат хезмәте хәбәр итте.

“Безнең максат дөнья буйлап сибелгән татарларны берләштерү, туган телебезне саклау”, – дип башлаган сүзен Милли Шура рәисе.

Шулай ук Васил Шәйхразиев 2017 елның августында уздырылган Бөтендөнья татар конгрессының VI съезды, аның кысаларында яңа оешма — Милли шура төзелү һәм аның эшчәнлеге турында, Россиядә узган Президент сайлаулары, анда татарларның актив катнашулары турында да сөйләгән. “Россия субъектлары җитәкчеләре барысы да татар халкы турында бик яхшы фикердә” – дип ассызыклаган Милли шура рәисе.

Будапештта узган “Европа татарлары альянсы”ның 5 еллыгы турында да кыскача мәгълүмат бирде, мөселманнар өчен изге булган Рамазан ае башлануы турында да онытмады, диелгән әлеге хәбәрдә.

Шулай ук Васил Шәйхразиев, милләтебезнең иң матур һәм көтеп алынган бәйрәмнәре турында да сөйләгән. 16-17 июнь көннәрендә Татарстан авыл-районнарында, 23 июньдә Казан шәһәрендә булачагын хәбәр итте. Бөтенроссия татар авыллары Сабантуе, Федераль Сабантуйлар турында да мәгълүмат җиткергән.

Туров үз чыгышында татарларга карата бик тә хөрмәт белән каравы һәм Татарстан белән дуслыклары нык булулары турында сөйләгән. Татарстанның Франциядәге вәкиллеге эшчәнлеген дә югары бәяләгән.

Шулай ук Татарстан кунакларын сәүдә вәкиллегендә урнашкан Социалистик көнкүреш музее белән дә таныштырганнар.

Матур, эчтәлекле очрашу өчен Васил Шәйхразиев рәхмәтләрен әйтеп Александр Туровка истәлекле бүләк тапшырды, дип яза Конгрессның матбугат хезмәте.

Туров үз чиратында узган ел Марс кырында зурлап оештырылган гүзәл Сабантуй өчен рәхмәтләрен җиткергән. “Сез горур халык. Милләтегезнең мәдәниятен, тарихын, көнкүрешен саклау һәм үстерүдә зур эш башкарасыз”, - дигән Туров.

Очрашуда А. Туровның урынбасары Айнур Әхмәтшин, «Франция- Татарстан йорты» ассоциациясенең рәис урынбасары Әлфия Айзатова, Бөтендөнья татар конгрессы җитәкчесенең беренче урынбасары Данис Шакиров катнашкан.

  • 2006-2009 елларда Александр Владимирович Туров Россиянең Словакиядәге сәүдә вәкиленең урынбасары, вәкил вазифасын башкаручы булып хезмәт куя. 2009 елда Россия Федерациясенең Чехия Республикасындагы сәүдә вәкиле итеп билгеләнә. Ә инде 2014 елдан башлап Россия Федерациясенең Франциядәге сәүдә вәкиле. Ул Россия Федерациясенең 1 класслы Дәүләт киңәшчесе. Хезмәтләре өчен, ул “Казанның 1000 еллыгы” медале белән дә бүләкләнгән.

 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.