Мәдәният

Язучы һәм эшмәкәр Равилә Шәйдуллина әсәрләре буенча фильм төшерәләр

Милли китапханәдә иҗат кичәсендә "Үксезләр" әсәре буенча төшерелгән фильмның трейлерын күрсәттеләр.
15.05 21:51

(Казан. 15 май, “Татар-информ”, Алмаз Шиһабетдинов). Язучы, шагыйрә, эшмәкәр Равилә Шәйдуллинаның Татарстан Милли китапханәсендә узган иҗат кичәсендә "Үксезләр" әсәре буенча төшерелгән фильмның трейлеры күрсәтелде. Киләчәктә аның тагын берничә әсәренә фильм төшереләчәк.

Кичә Равилә Шәйдуллинаның балалар өчен шигырьләрен тыңлау белән башланып китте. Шигырьләрне икенче татар гимназиясе укучылары сөйләде.

Галиәсгар Камал исемендәге театрның яшь артистлары Зөлфия һәм Раил Шәмсуаров, халык артистлары Рәшит Сабиров һәм Луара Шакирҗанова Равилә Шәйдуллинага багышлап шигырьләр укыды. Рәшит Ваһапов исемендәге халыкара бәйгенең 2017 елгы лауреаты Ярамир Низаметдинов, халык артистлары Фердинанд Сәләхов, Рөстәм Маликов, язучының авылдашлары Миндияр Шәймәрданов һәм Айнур Каюмов җырлады.

Равилә Шәйдуллина барлыгы җиде онык үстерә. Бер оныгы Морат Әхмәдуллин фортепьянода Рөстәм Яхин әсәрен башкарды. Чара ахырына аның бишенче оныгы Кәрим килеп өлгерде. Ул да әбисенә җыр бүләк итте.

“Кечкенә иҗатымны зурлап хөрмәт итеп килүегез өчен рәхмәт. Яз көне эшегез дә күп, Ураза да башланырга тора. Кечкенәдән язу белән шөгыльләнеп, көтмәгәндә генә аш-су остасы булып киттем. Бу - язу гына түгел. Иҗатымның укучысы булырга тиеш һәм алар биредә”, - диде Равилә Шәйдуллина.

  • Равилә Шәйдуллина – югары белемле педагог, профессиональ аш-су остасы, Казандагы ресторан һәм кафе хуҗасы. "Сихәтләнү", "Ялантауга ай кунган","Алмагач дәресе", "Батыр малай", "Мүкләк белән Сөзгәк" һ.б. китаплар авторы.

КӨН ҮЗӘГЕНДӘ

Роспотребнадзор прививкалардан баш тартмаска өнди

Яр Чаллыда ике бала кызамык белән чирли дигән шик туганга, вакцинация үткәрелә.

Р.Миңнеханов Россия-Мисыр багланышлары ике илнең мөмкинлекләренә туры килми дип исәпли

Рөстәм Миңнеханов һәм Әбдел-Фәттах Әс-Сиси Татарстан һәм Мисыр арасында үзара хезмәттәшлекне киңәйтү мөмкинлекләре хакында фикер алышты.

Миңнеханов һәм Мисыр Президенты террорчылыкка каршы көрәш чаралары хакында фикер алышты

«Проблема чыганаклары булган урыннарда гына көрәшергә кирәкми. Аларны бөтеләй булдырмау зарур», - диде Рөстәм Миңнеханов.

Мәскәү татары балалары татар булган әти-әни генә татар була ала дип исәпли

Никахлашканда кеше үз мәнфәгатьләрен генә кайгыртырга тиеш түгел, диде Адил Ганцов

Татарларны гыйльми яктан өйрәнгән галим эшчәнлеген Казанда конференциядә тикшерәләр

Казанда лингвистика мәктәбенә нигез салган галимгə багышланган Халыкара конференциядә төрле төбәкләрдән килгән 200 галим катнаша.