Авыл

Чүпрәле районында барлык мәйданнарның 65 проценттан артыгы чәчелде

Быел Чүпрәле районында бөртекле һәм бөртекле – кузаклы культуралар 41 мең гектар чамасы мәйданнарда чәчелергә тиеш.
16.05 03:00

(Чүпрәле, 16 май, "Татар-информ", "Туган як"). Бүгенге көнгә аның 65 процентында эш башкарылды. Республика буенча ул күрсәткеч 50 процентны тәшкил итә. Зәй районы игенчеләре – 90 һәм сарманлылар 75 проценттан артык мәйданнарда чәчү үткәрделәр дә инде, дип яза җирле басма.

Көннәрнең кояшлы аяз торуы да игенчеләргә барлык техниканы тулы көченә эшләтергә мөмкинлек бирә. Механизаторларның фидакарь күмәк тырышлыгы белән 17625 гектарда бөртекле культуралар чәчелде. Шуның 7810 гектарын сабан бодае, 7847 гектарын арпа, 1102 гектарын борчак, 726 гектарын солы, 40 гектарын вика һәм 100 гектарын бөртек өчен кукуруз мәйданнары алып тора. 2788 гектарда шикәр чөгендере, 2973 гектарда катнаш азык һәм берьеллык үләннәр, 230 гектарда силос өчен кукуруз, 316 гектарда рапс, 1433 гектарда көнбагыш һәм 25 гектарда бәрәңге чәчелде. Вакытның һәр минутыннан оста файдаланып эшләгән "Цильна", "АгротрансПорт" һәм "Мәхмутов" хуҗалыклары чәчү эшләрен уңышлы тәмамладылар. "Гафуров Җ", "Низамов А" һәм "Бикчуров Р" фермер хуҗалыкларында да чәчү ахырына якынлаша. "Эталон Агро" һәм "Ак Барс – Чүпрәле" кырларының 55 процентында орлыклар җир куенына күмелде.

Шул ук вакытта П.В. Дементьев исемендәге агрофирмада эш темпын шактый арттыру таләп ителә. Биредә чәчү эшләре әлегә 50 процентка да җитмәгән. Районда шикәр чөгендере чәчү планы 80 процентка үтәлде. Шушы көннәрдә "Мәхмутов" һәм "Ак Барс – Чүпрәле" агрофирмасы механизаторлары иртәрәк чәчелгән чөгендер басуларын чүп үләннәренә каршы гербицид белән эшкәртүгә керешәчәкләр. Авыл хуҗалыгы һәм азык – төлек идарәсенең үсемлекчелек буенча киңәшчесе Фәнил Хәлимов әйтүенчә, быел үсемлекләрне чүп үләннәреннән һәм корткыч бөҗәкләрдән саклау буенча 21 техника эшләячәк икән. Аларга 100 мең гектардан артык әлеге агротехник чараны башкарырга туры киләчәк, диелгән район хәбәрендә.

 

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.