Сәясәт

Башкортстан Корылтаена депутатлыкка язучылар һәм галимнәр дәгъва итә

9 сентябрьдә Башкортстанның Дәүләт Җыелышы-Корылтайга һәм җирле үзидарә органнарына депутатлар сайланачак.
16.05 09:50

(Уфа, 16 май, "Татар-информ", Илдус Фазлетдинов). Башкортстанның Дәүләт Җыелышы-Корылтай депутатлыгына язучылар һәм галимнәр дәгъва итә.

9 сентябрьдә Башкортстанның Дәүләт Җыелышы-Корылтайга һәм җирле үзидарә органнарына депутатлар сайланачак. 15 майда Башкортстан Үзәк сайлау комиссиясе кандидатлардан гаризалар кабул итүне тәмамлады. Депутатлыкка сайлануның беренче раунды – 3 июньдә узачак алдан тавыш бирүгә 700дән артык кандидат чыга.

Быел нәмзәтләр арасында язучылар һәм галимнәр алдагы елларга караганда күбрәк. Алар арасында тәнкыйтьче-галим, Башкортстан Язучылар берлеге рәисе Зәки Алибаев, шагыйрә, республиканың Шәехзадә Бабич исемендәге яшьләр премиясе лауреаты, “Башкортостан” гәзетасының әдәбият һәм сәнгать бүлеге мөдире Лариса Абдуллина, шагыйрь, “Истоки” атналык гәзитенең баш мөхәррире Айдар Хөсәенов, танылган галимнәр – М.Акмулла исемендәге БДПУның ректоры Раил Асадуллин, Башкортстан Фәннәр академиясе президенты Әлфис Гаязов, Башкортстан Республикасы Башлыгы карамагындагы Дәүләт хезмәте һәм идарә академиясе ректоры Илгиз Кызыргулов, З.Исмәгыйлев исемендәге Уфа дәүләт сәнгать институты ректоры Әминә Әсфәндиярова бар. Шулай ук депутат вазифасына милли оешма җитәкчеләре – Бөтендөнья башкортлары Корылтае рәисе Әмир Ишемгулов һәм Башкортстан татарларының милли-мәдәни мохтарияте җитәкчесе Римма Үтәшева дәгъва итә.

Башкортстанның Дәүләт Җыелышы-Корылтай депутатлары булуга кандидатларның төгәл исемлеге 3 июньдә узачак алдан тавыш бирүдән соң билгеле булачак.
 

КӨН ҮЗӘГЕНДӘ

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.

Туристларга Казанда милли сәнгать белән танышу кызыклы - Гөлчәчәк Нәҗипова

Футбол буенча дөнья чемпионаты көннәрендә Татарстан музейлары программасына багышланган матбугат конференциясе үтте.

Айдар Галимов: Туган телебез яхшы якка бармый, бетүгә таба бара

“Без, кызганычка каршы, барыбыз да шуңа өлеш кертәбез”, - ди җырчы.

Россия Көрәш федерациясе аккредитациясен 2020 елга кадәр озайттылар

Мәскәүдә Россиядәге иҗтимагый спорт оешмаларын аккредитацияләү комиссиясенең чираттагы утырышы узды.