Җәмгыять

Умартачылыкка игътибар артса, милли кыйммәтләр сакланыр – Алсу Хисмәтуллина

“Тенториум” оешмасында 240 тонна бал, 7 тонна прополис, 10 тонна чәчәк серкәсе җитештерелә.
16.05 11:42

(Казан, 16 май, “Татар-информ”, Ләйлә Хәкимова). Умартачылыкка игътибар артса, милли кыйммәтләр сакланыр. Пермьдә умартачылыкның барлык продуктларын җитештерүче “Тенториум” компаниясе хезмәткәре Алсу Хисмәтуллина шулай дип саный. Бу хакта ул Казан дәүләт медицина академиясенең гомуми гигиена кафедрасы профессоры, медицина фәннәре докторы Оксана Фролова “Казан” милли-мәдәни үзәгендә узган “Сәламәт азык – сәламәт милләт” халыкара фәнни-гамәли конференциясендә җиткерде.

Тенториум” умартачылыкның барлык продуктларын эшкәртә һәм төрледән-төрле продукция сата. Бүген оешмада 240 тонна бал, 7 тонна прополис, 10 тонна чәчәк серкәсе җитештерелә.

"Татар халкы элек-электән умартачылык белән шөгыльләнгән, кунакларга ипи янәшәсенә бал куйган. Бүген без Перьмдә шушы матур гореф-гадәтне дәвам итәбез. Бүгенге көндә нәкъ менә шушы шөгыль ярдәмендә милли гореф-гадәтләр, тормыш рәвеше, традицияләр, мәдәниятебез саклана, дип саныйм. Умартачылыкка игътибар артса, милли кыйммәтләр сакланыр. Бездә татар халкына хас булган тагын бер һөнәр яшәп килә: чәкчәк пешерү. Бәйрәмнәрдә зур итеп гәрәбәдәй сары, искиткеч матур, тәмле чәкчәк пешерәбез", - ди ул.

Алсу Хисмәтуллина, умартачылык эшчәнлегендә еш кына тирә-юньдәгеләрнең дөрес булмаган фикерләрен ишетергә туры килгәнен дә әйтте. "Күпләр бал салкын тидерергә сәләтле, аны кич белән генә ашарга ярый дип уйлый. Киресенчә, салкын тигән вакытта халык куллана торган ысулларның сихәте бал белән чәй эчүдә. Иммунитетны ныгыту, авырудан саклану өчен гади генә, файдалы ысул кулланып бал, лимон, имбирьлы чәй эчәргә кирәк. Икенче киң таралган миф: балны күп ашасаң аллергия килеп чыгарга мөмкин. Балны күп ашасаң түгел, ә бал кортларына камыш шикәрен күп ашату, авырулардан саклау өчен төрле химик препаратлар куллану аркасында балдан кешедә аллергия барлыкка килә”, - ди ул. 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.