Җәмгыять

Татарстан товар җитештерүчеләренең мәнфәгатьләрен якларга кирәк – Алсу Хисмәтуллина

“Татарстан умартачылары балы” брендын булдыру һәм алга этәрү өстендә эшләргә кирәк дип саный белгеч.
16.05 12:56

(Казан, 16 май, “Татар-информ”, Ләйлә Хәкимова). “Тенториум” компаниясе хезмәткәре Алсу Хисмәтуллина Татарстан товар җитештерүчеләренең профессиональ мәнфәгатьләрен якларга кирәк дип саный. Бу хакта ул “Казан” милли-мәдәни үзәгендә узган “Сәламәт азык – сәламәт милләт” халыкара фәнни-гамәли конференциясендә хәбәр итте.

“Соңгы елларда Казанда "Татарстан балы" брендын күтәрү өстендә зур эш алып баралар. Без моңа сөенәбез, чөнки иң яхшы бал – үзең җитештергәне. Умартачыларыгыз Татарстан күләмендә генә түгел, Россия буйлап та төрле чараларда катнашалар. Киләчәктә дә “Татарстан умартачылары балы” брендын булдыру һәм  аны үстерү өстендә эшләргә, Татарстан товар җитештерүчеләренең профессиональ мәнфәгатьләрен якларга кирәк. Мондый очрашуларны һәрдаим уздырсыннар иде, чөнки бик күп файдалы мәгълүмәтләр алырга, тәҗрибә тупларга мөмкин”, - диде Алсу Хисмәтуллина.

Алсу Хисмәтуллина умартачылык бизнесы белән 1980 елдан бирле шөгыльләнүләрен әйтте. ”Умартачылык эше белән шөгыльләнү нәселдән килә, диләр. Бу, мөгаен, шулайдыр. Кечкенә генә гаилә бизнесы буларак башлап җибәргән эшебезне, бүген зур күләмдә дәвам итәбез”, - диде ул.

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.