Татар дөньясы

Васил Шәйхразиев Парижда татар телен өйрәнүчеләр белән аралашты

Бөтендөнья татар конгрессы Милли Шура рәисе белән очрашуда студентлар татарча сөйләшергә тырышты.
16.05 12:42

(Казан, 16 май, "Татар-информ"). Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразиев бу көннәрдә эшлекле сәфәр белән Франциядә булганда Парижда татар телен өйрәнүчеләр белән аралашты. Бу турыда Бөтендөнья татар конгрессы хәбәр итә.

Бүген Васил Шәйхразиев Париждагы Көнчыгыш телләр институтында булды. Биредә Татарстан Премьер-министры урынбасары татар телен өйрәнүче студентлар белән очрашты. Аны институтның вице-президенты Шариф Алами Шовфи каршы алды һәм озатып йөрде, диелгән әлеге хәбәрдә.

  • Әлеге уку йортына 300 ел, биредә 100 тел өйрәтелә. Татар теле 10 елдан артык укытыла. Бу вакыт эчендә 300 дән артык студент татар телен үзләштергән. Татар теле биредә атнага 1 сәгать 2 ел дәвамында укытыла.

“Ана теле" он-лайн программасын да студентларым куллана", - диде укытучы Ләйлә Садовинова. 

Бүген аның 10 укучысы бар. Алар арасында кытай, француз, төрек студетлары бар. Студентлар татар цивилизациясен дә өйрәнәләр. Анысы француз телендә өйрәтелә. Ел ахырында студентлар имтихан тапшыра.

Биредә белем алган төрек кызы Әҗәм һәм француз егете Хугэ быел Казанда узган татар теле буенча халыкара олимпиадада катнашкан. Әҗәм татар телендә Татарстан Төркия багланышлары турында чыгыш ясаган. Хугэ “Туган тел”җырын башкарган. Аңа башкалар да кушылган. 

Васил Шәйхразиев белән аралашу вакытында студентлар татарча сөйләшергә тырышты. Милли Шура рәисе биредәге укыту системасы белән кызыксынды, татар халкының гореф-гадәтләре, йолалары турында сөйләде. Милли ризык, халкыбызның киемнәре турында да сөйләшү булды.

Васил Шәйхразиевка уку йортының вице-президенты институтның мәртәбәле кунагы дигән билге тапшырды. Премьер-министр урынбасары үз чиратында Шариф Алами Шовфига Казан күчтәнәчен бирде. 

КӨН ҮЗӘГЕНДӘ

17 августның төп вакыйгалары - фото һәм сылтамалар

Рөстәм Миңнеханов WorldSkills чемпионатында җиңгән Татарстан яшьләрен бүләкләде, кырларда игеннәрнең яртысы җыеп алынды, иртәгә томан булуы көтелә.

Рөстәм Миңнеханов Россиянең WorldSkills чемпионатында җиңгән Татарстан яшьләрен бүләкләде

Республика җитәкчесе эшче һөнәрләргә ихтыяҗ бик зур, дип белдерде.

Туган телләр мәсьәләсенә бөтенләй кагылырга ярамый иде – Минтимер Шәймиев

Дәүләт Киңәшчесе Россия халыкларының туган телләрен саклап калуга карата фикерен белдерде.

Рөстәм Миңнеханов Мәскәүдә Габдулла Тукай һәйкәленә чәчәкләр салды

Чәчәкләр салу тантанасында Мәскәү мэры Сергей Собянин, Милли Шура рәисе Васил Шәйхразиев тә катнашты.

Казанда Иске таш мәчетендә ремонт башланды

Мәчетнең түбәсен һәм манарасы ремонт эшләрен 1 сентябрьгә төгәлләү планлаштырыла.