Җәмгыять

Татарстанда 65 зонада үсемлекләрнең авыру очрагы теркәлгән

Республикада амброзиягә бәйле уңышсыз ике район исәпләнә: Нурлат һәм Аксубай.
16.05 15:11

(Казан, 16 май, “Татар-информ”, Ләйлә Хәкимова). Татарстанда 145 гектар мәйданда һәм 65 зонада үсемлекләрнең авыру очрагы теркәлгән. Бу хакта Россельхознадзорның Татарстан Республикасы буенча идарәсе җитәкчесе урынбасары Ленар Фәттерахманов “Татар-информ" мәгълүмат агентлыгында узган матбугат конференциясендә хәбәр итте.

Шулай ук республиканың 14 районында бәрәңгедә карантин авыруы (алтынсыман бәрәңге нематодасы) ачыкланган. 

“Чит җирләрдән кайтарылган үсемлекләрнең орлык, үсентеләрен, җиләк-җимешләрне тикшерү, зарарлы авыруларны ачыклау, зыян салучы бөҗәкләрне табу, чүп үләннәре таралуга юл куймау өчен һәрдаим контроль-күзәтчелек чаралары оештырабыз. Татарстанда 65 зонада үсемлекләрнең авыру очраклары теркәлде. Республикада амброзиягә бәйле уңышсыз ике район исәпләнә: Нурлат һәм Аксубай. Шулай ук хәзерге вакытта Татарстанның 14 районында бәрәңгедә карантин авыруы (алтынсыман бәрәңге нематодасы) ачыкланды. Алга таба карантинлы үсемлекләрнең таралуын булдырмас өчен туфракта үскән продукцияләрне тикшереп торырга кирәк” - диде ул үзенең чыгышында.

Былтыр Татарстан Республикасы буенча Россельхознадзор идарәсенең фитосанитар, ашлык сыйфаты һәм орлык тикшерү бүлегенең дәүләт инспекторлары тарафыннан орлык һәм чәчәк үсемтеләре тикшерелгән. Аның нәтиҗәсендә үсемлекләрдә амброзия, повилика, трипс, табачная белокрылка авырулары ачыкланган.

“Көнбагыш, чәчәкләр, петрушка орлыкларын яндырырга туры килде. Быел уздырган тикшерүләр вакытында авыру үсемте һәм орлыклар табылмады”, - дип хәбәр итте Ленар Фәттерахманов.

 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

22 сентябрьнең төп вакыйгалары - фото һәм сылтамалар

Рөстәм Миңнеханов хезмәт кешесенең абруен күтәрергә кирәклеген әйтте, “Нур-Ихлас” мәчете территориясендә мәдрәсә төзеләчәк, иртәгә һава торышы бозыла.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.