Хәвеф-хәтәр

Чаллыда прокурор трамвай йөртүчене ике елга ирегеннән мәхрүм итүне сорады

Трамвай йөртүче җәяүлеләр юлындагы рельслар аша чыкканда кызның табанын өздергән.
16.05 19:38

(Чаллы, 16 май, “Татар-информ”, Эльвира Мөхәметдинова). Чаллыда прокурор укучының табанын өзгән трамвай йөртүчесен ике елга ирегеннән мәхрүм итүне сорады, дип хәбәр итә шәһәр суды матбугат хезмәте.

"Татар-информ” узган елның 4 декабрендә ГЭС бистәсендә “Поликлиника” тукталышында һәлакәт булуы турында хәбәр иткән иде. Трамвай,  җәяүлеләр юлындагы рельслар аша чыкканда, кызны бәрдергән. Юл-транспорт һәлакәте нәтиҗәсендә кызның табаны өзелгән.

Трамвай йөртүче хатын-кызга карата суд 29 мартта башланды. Хөкем ителүче үз гаебен танымаган.

Прокурор укучының табанын өзгән трамвай йөртүчене ике елга ирегеннән һәм транспорт идарә итү белән бәйле эшчәнлек белән шөгыльләнүдән 3 елга мәхрүм итүне сорады.

Гаепләнүченең адвокаты судтан трамвай йөртүчене аклауны үтенде.

 

КӨН ҮЗӘГЕНДӘ

Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Һәр милләткә туган телендә укырга мөмкинлек бирергә кирәк, дип саный Наталья Сабитова.

Россиядә туган телләргә ярдәм итүче федераль фонд төзелергә мөмкин – Илдар Гыйльметдинов

Бүген Россиянең мәгариф системасында өйрәнелә торган 30 телнең җидесендә генә дәреслекләр бар, дип белдерде депутат.

Туристларга Казанда милли сәнгать белән танышу кызыклы - Гөлчәчәк Нәҗипова

Футбол буенча дөнья чемпионаты көннәрендә Татарстан музейлары программасына багышланган матбугат конференциясе үтте.

Айдар Галимов: Туган телебез яхшы якка бармый, бетүгә таба бара

“Без, кызганычка каршы, барыбыз да шуңа өлеш кертәбез”, - ди җырчы.

Россия Көрәш федерациясе аккредитациясен 2020 елга кадәр озайттылар

Мәскәүдә Россиядәге иҗтимагый спорт оешмаларын аккредитацияләү комиссиясенең чираттагы утырышы узды.