Җәмгыять

Татарстанда 47 авылны юк итәргә мөмкиннәр

Аларны юк итү тәртибе билгеләнгән.
16.05 21:27

(Казан, 16 май, “Татар-информ”). Татарстанда кеше яшәми торган 47 авыл бар. Аларны бетерү тәртибе билгеләнгән. Бу хакта бүген Татарстан Дәүләт Советының дәүләт төзелеше һәм җирле үзидарә комитеты утырышында белдерелде, дип хәбәр итә республика парламенты матбугат хезмәте.

Утырышта депутатлар җирле үзидарә турындагы законның ритуаль хезмәтләр оештыру өлешен гамәлгә ашыру буенча фикерләштеләр.

Закон нигезендә зират өчен бирелгән җирләрнең авыл хуҗалыгы категориясеннән сәнәгать категориясенә күчерү каралган булуы билгеләп үтелде. Хәзергә Татарстанда 3 меңнән артык зират бар. 1024 зират авыл хуҗалыгы, 17 сәнәгать, 1580е торак пунктлар, 37се аеруча сакланыла торган территорияләр һәм объектлар, 386сы категориясе билгеләнмәгән, 19ы урман фонды җирләрендә урнашкан.

Җирләрнең категорияләрен күчерү турындагы документлар Татарстанның Җир һәм милек мөнәсәбәтләре министрлыгына җибәрелергә тиеш, әмма әлегә биш районнан - Буа, Яңа Чишмә, Чирмешән, Чүпрәле һәм Сабадан гына гариза тапшырылган.

Татарстан Республикасы Министрлар Кабинеты тарафыннан җир участоклары категориясен зиратка үзгәртү турында Буа һәм Саба районнары буенча гына карар чыгарылган.

Парламентарийлар булмаган авылларны икенче проблема дип атадылар, республикада алар - 47. Ул авылларда да зиратлар бар.

 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.