Җәмгыять

Зәйнең баш педиатры "Ак чәчәкләр" конкурсында катнашачак

Узган ел Григорий Абрамовка “Татарстан Республикасының атказанган табибы” исеме бирелде.
17.05 06:00

(Зәй, 17 май, “Татар-информ”, “Зәй офыклары", Николай Шамионов). Татарстанда  Медицина хезмәткәре көне алдыннан (ул 19 июньдә билгеләп үтелә) “Ак чәчәкләр” конкурсын игълан итеп, аңа нәтиҗә ясау. Шунысы игътибарга лаек, быел дәрәҗәле конкурста район үзәк дәваханәсенең баш педиатры Григорий Абрамовта катнашырга теләк белдерде. Ул “Беренчел звеноның иң яхшы табибы” номинациясендә үзен сынаячак, дип яза җирле басма.

Быел конкурс биш номинация буенча – “Ел табибы”, “Уникаль очрак”, ”Елның медицина хезмәткәре”, ”Сәламәтлек саклау легендасы” һәм “Беренчел звеноның иң яхшы табибы” номинацияләре буенча унберенче мәртәбә уздырыла. Узган ел конкурста 146 медицина хезмәткәре катнашкан. Быел да кандидатуралар узган елгыдан ким булмас диләр. Искәртәбез, ел саен җиңүчеләрнең берсенә төп приз буларак автомобиль бүләк ителә.

Григорий Матвеевич районда гына түгел, республикада да танылган табиб. Узган ел аңа “Татарстан Республикасының атказанган табибы” исеме бирелде. Ул хезмәт биографиясен 1982 елда институтны тәмамлагач, Иркутск өлкәсендә башлый. 1986 елдан бирле зәйлеләр сәламәтлеген кайгырта. Эшкә мөнәсәбәте, пациентларга игътибарлы булуы, кешелеклелеге белән ул зәйлеләрнең абруен казанды.

 

 

КӨН ҮЗӘГЕНДӘ

Новосибирск шәһәрендә татар яшьләренең Себер фестивале була

27 сентябрьдән 30 сентябрьгә кадәр узачак фестивальдә 18 яшьтән 35 яшькә кадәр һәр татар кешесе катнаша ала.

Рөстәм Миңнеханов 45 ел элек Суворов училищесын тәмамлаганнар белән очрашуда катнашты

1973 елда училищены Россия оборона министрының беренче урынбасары Валерий Герасимов тәмамлаган.

Рөстәм Миңнеханов Мәскәүдә сәнгать осталары концертын карады

Чарада Мәскәү мэры Сергей Собянин катнашты.

Башкортстанда беренче тапкыр кош сурәте төшерелгән археологик һәйкәл табылган

Горизонталь плитәдәге тар ярыкта металл корал белән төшерелгән кош сурәте мүк белән капланган булган.

Төмәндә Тимур Насыйров истәлегенә ат ярышлары була

Урал федераль округы чемпионаты Түбән Тәүдедә узачак.