Мәдәният

Азнакайда "Төп нигез килене" титулына Фәйрүзә Лотфуллина лаек булды

Авыл мәдәният йортлары һәм авыл клублары арасында узган әлеге конкурста 34 конкурсантның финалга җидесе чыкты.
17.05 03:00

(Азнакай, 17 май, “Татар-информ”, “Маяк”, Резеда Шәрипова). Азнакай районында "Төп нигез килене" бәйгесендә, чыннан да, кайнаналары белән уртак тел табып, аларны хөрмәтләп, гаилә ядкәрләрен кадерләп саклаучы киленнәр катнашты, дип хәбәр итә район газетасы.

Авыл мәдәният йортлары һәм авыл клублары арасында узган әлеге конкурста 34 конкурсантның финалга җидесе чыкты: Уразайдан Фәйрүзә Лотфуллина, Үчәлледән Фәнүзә Шәфыйкова, Сәпәйдән Ләйсән Латыйпова, Карамалыдан Лениза Вәлиева, Ирекледән Зөлфия Сабурова, Балтачтан Гүзәлия Хәбипова, Әлкәйдән Гөлгенә Газизова.
– Берсен алып берсен куя торган түгел. Бар да – уңган-булган, авылдашларының хөрмәтен казанган асыл затлар, – ди шәһәр-район Мәдәният йорты директоры, жюри әгъзасы Ландыш Шәрәфиева.

Киленбикәләр берсен-берсе уздырып, үзләренең тормышлары, гаилә ядкәрләре, яраткан ризыклары белән таныштырдылар. Аларга хәләл җефетләре, балалары, оныклары белән бергә үзешчән иҗат коллективлары да көч бирде. Һәрберсе аерым номинацияләрдә мактаулы исем алды. Ә "Төп нигез килене" титулына Фәйрүзә Лотфуллина лаек булды.

 

КӨН ҮЗӘГЕНДӘ

Татарстан мөфтие туган телләрне саклау турында Путинга петицияне хуплады

Камил хәзрәт Сәмигуллин ватандашларны Россия халыкларының туган телләрен укытуны саклау өчен мөрәҗәгатьне якларга чакыра.

Васил Шәйхразиев Алтай краенда Сабан туе мәйданы белән танышты

Алтай краеның Алтай районы “Бирюзовая Катунь” махсус икътисади зонасында 17 июньдә Сабан туе узачак.

Татарстанда гражданнарга бушлай юридик ярдәм күрсәтү системасында 148 адвокат катнаша

Бушлай юридик ярдәм күрсәтүдә дәүләт һәм дәүләти булмаган система бар.

Милли шура рәисе Алтай крае хөкүмәте вәкилләре белән очрашты

12 июнь көнне Алтайда Сабан туе узачак территориядә зур фольклор бәйрәме була.

Татарстанның иң кечкенә мәчетләренең берсендә ифтарга 50 мөселман җыелды

Мәскәү татарлары “Штабы” Әгерҗе районы Кызыл Наратлык авылындагы “Сәҗдә” мәчетендә ифтар оештырды.