Җәмгыять

Чүпрәле районы ЗАГС бүлегендә Халыкара гаилә көне узды

Бу көнне өлкәннәр генә түгел, икенче һәм аннан соңгы балаларын алып кайтучы яшь гаиләләр дә тәбрикләнде.
17.05 01:00

(Чүпрәле, 17 май, "Татар-информ", "Туган як"). Чүпрәле районы ЗАГС бүлегендә нәкъ менә Халыкара гаилә көнендә моннан 60 һәм 40 ел элек тормыш юлларын башлаган шундый гаиләләрне тәбрикләделәр. Чара "Ныклы гаилә" Федераль партия программасы кысаларында үтте, дип яза район газетасы.

Озак еллар бәхетле гомер итүче Иске Чүпрәле авылыннан Нина һәм Петр Егоровлар, алар 60 ел иңне-иңгә куеп яшиләр. Нина Василиевна гомерен сәламәтлек саклау, ә Петр Егорович район кулланучылар җәмгыте өлкәсенә багышлаган. Бриллиант туйларын билгеләп үтүче әлеге хөрмәтле пар өч ул тәрбяләп үстерә, бүгенге көндә 6 онык һәм 6 оныкчыкның яраткан дәү әти-әниләре.

40 ел – якут (рубин) туйларын билгеләп итүче Фирдәүсә һәм Рәис Вәлиевлар исә Кече Чынлы авылыннан. Хезмәт юлларын туган колхозларында башлаган гаилә биш балага гомер бирәләр, кызганыч, бер уллары вафат булган. Бу гаиләнең дә тормышы бик матур, өйдә үзара аңлашу, кайгырту, ярату хөкем сөрә. Балалары да әти-әниләрен хөрмәт итә.

Күркәм гаиләләрне район Башкарма комитеты җитәкчесе Марат Гафаров котлады, тигез, бәрәкәтле тормыш теләде.

Бу көнне өлкәннәр генә түгел, икенче һәм аннан соңгы балаларын алып кайтучы яшь гаиләләр дә тәбрикләнде. Аларга дәүләт программасы нигезендә "Ана капиталы" сертификаты тапшырылды.

Бүгенге көндә районда әлеге сертификат 1363 гаиләгә тапшырылган.

Бәйрәм чарасында гаилә кыйммәтләре турында матур сүзләр әйтелде, җырлар яңгырады.

КӨН ҮЗӘГЕНДӘ

Галимә мәгариф системасының башында торды - Флера Сафиуллинаның дәвамчылары

Лев Толстой исемендәге Филология һәм мәдәниятара багланышлар институтында галимәнең 80 еллыгына багышланган кичә булды.

24 майның төп вакыйгалары - фото һәм сылтамалар

Депутатлар туган телләрне ирекле укыту белән бәйле закон проектын хупламады, Диния нәзарәте Рамазан ае уңаеннан бәйге игълан итте.

Әтнә кызы WorldSkills Russia чемпионатында җиңү яулаган

Динә Сәгыйтова туризм өлкәсендә экскурсия хезмәте күрсәтүне оештыру компетенциясе буенча 543 балл туплаган һәм беренче булган.

Татарстан мөфтие Германия телеканалына: Дин безнең яшәү рәвешенә әверелергә тиеш

Татарстан мөфтие Камил хәзрәт Сәмигуллин бүген Германиянең икенче каналы ZDF телевидениесе иҗат берләшмәсе белән очрашты.

Минтимер Шәймиев рәссам Ринат Анимаевның “Париж язы” күргәзмәсендә булды

Ринат Анимаев – чыгышы белән татар булган француз рәссамы.