Мәдәният

Камаллылар И.Сәлаховның "Колыма хикәяләре" әсәре буенча спектакль эскизында катнаша

"Город АРТ-подготовка" лабораториясе кысаларында Мәскәү режиссеры Дмитрий Акриш спектакль эскизы әзерли.
17.05 12:12

(Казан, 17 май, "Татар-информ"). Камал театры артистлары Мәскәү режиссеры Дмитрий Акриш белән Ибраһим Сәләховның "Колыма хикәяләре" ("Черная Колыма") әсәре буенча спектакль эскизы әзерли. Бу турыда театрның матбугат хезмәте хәбәр итте.

17-27 майда Казанда "Город АРТ-подготовка" лабораториясе үтә. Әлеге проект кысаларында Мәскәү режиссеры Дмитрий Акриш Камал театры артистлары белән И.Сәлаховның "Колыма хикәяләре" ("Тайгак кичү") әсәре буенча спектакль эскизы әзерли, диелгән әлеге хәбәрдә.

  • Тамаша 26 һәм 27 майда "Угол" иҗат лабораториясендә күрсәтелә. Эскизның кураторы — журналист һәм музыкант Рәдиф Кашапов.

Эскизда Татарстанның халык артистлары Зөлфирә Зарипова, Алсу Каюмова, Алмаз Сабирҗанов, шулай ук Эмиль Талипов, Ришат Әхмәдуллин, Гүзәл Гюльвердиева, Алмаз Борһанов катнаша.

  • Камал театры - "Города АРТ-подготовка" лабораториясенең һәм "Живой город" үткәргән башка проекларның да даими катнашучысы. Узган ел шушы проект кысаларында Гоголь-үзәкнең яшь режиссеры Евгений Беркович Камал театры артистлары белән архив материаллары буенча "Заман тавышларын тыңлаганда" спектакле эскизын тәкъдим иткәннәр иде.  

  • Ибраһим Сәлахов (1911-1998) - "Парасат" (Казахстан) ордены кавалеры, Г. Тукай исемендәге дәүләт премиясе лауреаты, Татарстан Республикасының атказанган мәдәният хезмәткәре, Татарстан Язучылар берлеге әгъзасы, Күкшәтау шәһәренең мактаулы гражданины.
  • И. Сәлаховның "Колыма хикәяләре" ("Тайгак кичү") әсәре татар әдәбиятында шәхес культы чорын "ачык текст" белән сурәтләгән беренче әсәр булып санала. 1991 елда "Колыма хикәяләре" ("Черная Колыма") әсәре рус теленә тәрҗемә ителде.

 

КӨН ҮЗӘГЕНДӘ

Галимә мәгариф системасының башында торды - Флера Сафиуллинаның дәвамчылары

Лев Толстой исемендәге Филология һәм мәдәниятара багланышлар институтында галимәнең 80 еллыгына багышланган кичә булды.

24 майның төп вакыйгалары - фото һәм сылтамалар

Депутатлар туган телләрне ирекле укыту белән бәйле закон проектын хупламады, Диния нәзарәте Рамазан ае уңаеннан бәйге игълан итте.

Әтнә кызы WorldSkills Russia чемпионатында җиңү яулаган

Динә Сәгыйтова туризм өлкәсендә экскурсия хезмәте күрсәтүне оештыру компетенциясе буенча 543 балл туплаган һәм беренче булган.

Татарстан мөфтие Германия телеканалына: Дин безнең яшәү рәвешенә әверелергә тиеш

Татарстан мөфтие Камил хәзрәт Сәмигуллин бүген Германиянең икенче каналы ZDF телевидениесе иҗат берләшмәсе белән очрашты.

Минтимер Шәймиев рәссам Ринат Анимаевның “Париж язы” күргәзмәсендә булды

Ринат Анимаев – чыгышы белән татар булган француз рәссамы.