Җәмгыять

Баулыда балалар өчен уен мәйданчыгы төзүгә хәйрия акчалары тотылачак

Баулының “Шатлык” тернәкләндерү үзәгенә “БлагоДарение” хәйрия фонды ярдәм күрсәтә.
17.05 10:39

(Казан, 17 май, “Татар-информ”, Чулпан Шакирова). Баулының “Шатлык” тернәкләндерү үзәге территориясендә мөмкинлекләре чикле балалар өчен уен мәйданчыгы төзеләчәк. Мәйданчыкны төзүдә “Вымпел” хоккей хәйрия турында һәр командадан җыелган взнос акчалары кулланыла. Бу хакта “Татар-информ”га “БлагоДарение” яшь буынга ярдәм итү һәм социаль башлангычларны гамәлгә ашыру хәйрия фонды директоры Рузилә Шәймәрданова хәбәр итте.

"13 май көнне “Татнефть Арена” боз сараенда Дәүләт Советы депутаты Ирек Салихов инициативасы белән төзелгән “БлагоДарение” хәйрия фонды, “Ядран-Ойл”компаниясе белән берлектә, хоккей буенча хәйрия фонды уздырды”, – диде Рузилә Шәймәрданова.

  • Әлеге турнир “Бергә булдырабыз” (“Сможем вместе”) республика проекты кысаларында оештырылган. Аның максаты: спорт тәрбиясен популярлаштыру һәм үсмерләр һәм яшьләрне хәйрия эшчәнлегенә тарту.

“Турнирда дүрт хоккей командасы көч сынашты. Болар - “Ядран-Ойл”, “Прокуратура”, “Добрая Казань”, “М7”. Һәр команда турнирда катнашу өчен билгеле күләмдә взнос кертте. Җыелган акчалар Баулы районының “Шатлык” тернәкләндерү территориясендә мөмкинлекләре чикле балалар өчен уен мәйданчыгы төзүгә тотылачак. “Шатлык” тернәкләндерү үзәгенә “БлагоДарение” хәйрия фонды ярдәм күрсәтә , – диде хәйрия фонды директоры.

Турнирны күпбалалы гаиләдә, социаль оешмаларда тәрбияләнүче, шулай ук мөмкинлекләре чикле балалар тамаша кылган. Алар өчен Боз сараеның фойесында мавыктыргыч программа оештырылган.

“Чарада шулай ук ТР Социаль яклау министры урынбасары Юлия Абдреева, “БлагоДарение” фонды Президенты Фәрит Салихов, Баулы районы башлыгы Ринат Хәмидуллин катнашты”, – диде Рузилә Шәймәрданова.

  • Беренче хәйрия хоккей турнирының җиңүчесе - “Прокуратура” командасы. Икенче урынны “М7” командасы яулаган. Өченче урында - “Ядран Ойл”. “Добрая Казань” командасы да истәлекле кубок белән бүләкләнгән.

КӨН ҮЗӘГЕНДӘ

Президент Татарстан белән "ЛУКОЙЛ"ның товар әйләнеше 50 миллиард сумга җитүен белдерде

Рөстәм Миңнеханов Казан Кремлендә "ЛУКОЙЛ" гамәви акционерлык җәмгыяте президенты Ваһит Алекперов белән очрашты.

Р.Миңнеханов Коррупциягә каршы көрәш буенча эшне җайга салу комиссиясе утырышын уздырды

Утырышта билгеләп үтелгәнчә, коррупциягә каршы җәмәгатьчелек фикерен формалаштыруга, гражданнарның хокукый аңын үстерүгә юнәлгән эшне оештыру кирәк.

Минтимер Шәймиев: Кешеләрне сөендереп, яшьләргә үрнәк булырлык матур эшләр эшләнә

"ЛУКОЙЛ" ширкәте оештыра торган бәйгедә 146 проект җиңүгә лаек, дип табылды.

Кама Аланы бистәсенә шәһәр статусы бирелергә мөмкин

Кама Аланы башлыгы сүзләренчә, бары тик биредә яшәүчеләр ризалыгы белән генә бистә шәһәр статусы алырга мөмкин.

“Сөембикә” операсының авторлары спектакльдә хатын-кыз язмышын сурәтләүләрен әйтәләр

“Сөембикә” операсы премьерасы Муса Җәлил исемендәге Татар дәүләт опера һәм балет театрында ике көн - 26 һәм 27 сентябрьдә күрсәтеләчәк.