Сәясәт

Дәүләт Советы утырышының көн тәртибенә унике сорау кертелә

Моннан тыш, башка мәсьәләләр дә өстәлергә мөмкин.
17.05 11:07

(Казан, 17 май, “Татар-информ”, Гөлнар Гарифуллина). Бишенче чакырылыш Татарстан Республикасы Дәүләт Советының 38нче утырышының көн тәртибенә унике сорау кертелә. Бу хакта Президиум утырышында Дәүләт Советы секретаре Лилия Маврина хәбәр итте.

  • Дәүләт Советы утырышы 24 майда узачак.

Лилия Маврина әйтүенчә, көн тәртибенә Татарстан Республикасының биш закон проекты турында мәсьәләләрне кертү күздә тотыла. Алар арасында “Татарстан Республикасында урманнардан файдалану турында” ТР законына үзгәрешләр кертү турында ТР Закон проекты икенче укылышта каралачак. Парламентның социаль сәясәт буенча комитет эше турында хисап тәкъдим ителәчәк. Депутатлар Татарстан буенча Монополиягә каршы хезмәт идарәсе эше турында мәгълүмат тыңлаячак.

Лилия Маврина барлык сорауларның комитетларда әзерләнгәнен белдерде. Юрий Камалтынов әле бер атна вакыт булуын, сессиягә чыгару өчен тагын сораулар өстәлергә мөмкинлеген әйтте. 24е көнне иртән дә берничә комитет утырышы ниятләнә.

Лилия Маврина әйтүенчә, сессия утырышына 150 кеше чакырыла.

 

КӨН ҮЗӘГЕНДӘ

Рөстәм Миңнеханов киләсе елга "Хәвефсез һәм сыйфатлы юллар" проектына керүче шәһәрне атады

Киләсе елга әлеге программага Түбән Кама керәчәк, диде Татарстан Президенты.

Татарстан Президенты Казан–Чаллы юлы турында: Кама аша күпер кебек хыял иде

Рөстәм Миңнеханов Татарстанның юл төзелеше буенча планнары зур һәм алар тормышка ашырылачак, дип ышандырды.

Татарстан юлларында куркыныч участоклар саны кимегән

Казан-Чаллы юлын төзекләндерү дә һәлакәтләр санын киметте, диде Рөстәм Миңнеханов.

Гөлназ Сәфәрова белән Айваз Садыйров фонограммага җырлаучының чын йөзен ачарга өйрәтте

"Татар радиосы" хитлары" концертында утыздан артык татар эстрада җырчысы тере тавышка җырлаячак.

Россия Президенты ярдәмчесе “Казан Экспо” күргәзмә үзәге әзерлеген югары бәяләде

“Юллар 2018” халыкара күргәзмәсе “Казан Экспо” мәйданында беренче тапкыр үткәрелә.