Дин

Татарстан мөфтие Казанда беренче ифтарны ачты

Изге Рамазан аеның беренче ифтарлары кичә 19.50 сәгатьтә эшли башлады.
17.05 11:26

(Казан, 17 май, "Татар-информ"). Кичә “Туган авылым” комплексында Татарстан мөфтие Камил хәзрәт Сәмигуллин катнашында авыз ачу мәҗлесе узды, дип Татарстан мөселманнары Диния нәзарәте матбугат хезмәте хәбәр итте.

Изге Рамазан аеның беренче ифтарлары Казанда кичә 19.50 сәгатьтә эшли башлады. 

“Рамазан чатыры”н ачып, Камил хәзрәт Сәмигуллин кунакларга Рамазан аеның фазыйләтләре, ураза тоту һәм изге айда гыйбадәт кылу үзенчәлекләре турында сөйләгән.

“Туган авылым” комплексында “Рамазан чатыры” изге ай дәвамында көн саен эшләячәк. Биредә һәр кич ике йөзгә якын кешене ашатачаклар. Казанда авыз ачу мәҗлесләре 41 мәчеттә үткәреләчәк. Аларга теләгән һәркем килә ала – мәҗлесләр бөтен кеше өчен дә ачык. Моннан тыш, ифтар мәҗлесләрен үз исемеңнән дә үткәрергә була, чөнки ураза тотучыларны һәм мохтаҗларны тукландырган өчен зур саваплар бирелә, диелгән әлеге хәбәрдә.

  • Аллаһы Илчесе салләллаһу галәйһи вә сәлләм хәдисендә әйтелгәнчә, “Рамазан аенда ураза тотучыны ашаткан кеше ураза тоткан кадәр савап алыр” диелгән. Изге Рамазан ае – изге гамәлләр ае, бу айда һәр мөселман кешесе ураза тотып, гыйбадәтләр, изге гамәлләр кылып Аллаһы ризалыгына ирешергә омтыла.

Ифтар Россия мөселман эшмәкәрләре ассоциациясе тарафыннан оештырылды һәм үзенә ике йөзгә якын ураза тотучы мөселманны җыйды. Әлеге сөенечле вакыйганы уртаклашырга күп кенә кунаклар килде: игумен Евфиимий, Татарстанның баш раввины Ицхак Горелик, Төркиянең Казандагы Баш консулы Әхмәт Садыйк Доган, Бөтендөнья татар конгрессының Казан бүлеге җитәкчесе Фәрид Мифтахов, Ай-Ти Парк директоры Антон Грачев һәм башкалар.

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.