Авыл

Татарстанда фермер хуҗалыкларына илтә торган 27 юл төзеләчәк

Бу максатларга 210 млн сум акча бүлеп бирелгән.
17.05 11:40

(Казан, 17 май, “Татар-информ”, Гөлнар Гарифуллина). Быел Татарстанда фермер хуҗалыкларына илтүче 27 юл төзү ниятләнә. Бу хакта Дәүләт Советының Экология, табигатьтән файдалану, агросәнәгать һәм азык-төлек сәясәте комитеты утырышында билгеле булды.

Татарстанның транспорт һәм юл хуҗалыгы министры урынбасары Артем Чукин юл төзү өчен 210 млн сум акча бүлеп бирелүен белдерде. Ул 2011 елдан “Фермер хуҗалыкларына һәм терлекчелек комплексларына юллар кору” программасы буенча барлыгы 235,9 км озынлыкта 479 юл төзелгәнен әйтте. Бу эшләр өчен 2 632, 3 млн сум акча сарыф ителгән.

Артем Чукин, быел, шулай ук, республиканың бакчачылык ширкәтләренә илтүче 26,3 км озынлыкта 19 юл төзеләчәген әйтте. Моңа 300 млн сум акча каралган. Былтыр исә, 35 километрга якын 24 юл төзелгән.
 

КӨН ҮЗӘГЕНДӘ

Галимә мәгариф системасының башында торды - Флера Сафиуллинаның дәвамчылары

Лев Толстой исемендәге Филология һәм мәдәниятара багланышлар институтында галимәнең 80 еллыгына багышланган кичә булды.

24 майның төп вакыйгалары - фото һәм сылтамалар

Депутатлар туган телләрне ирекле укыту белән бәйле закон проектын хупламады, Диния нәзарәте Рамазан ае уңаеннан бәйге игълан итте.

Әтнә кызы WorldSkills Russia чемпионатында җиңү яулаган

Динә Сәгыйтова туризм өлкәсендә экскурсия хезмәте күрсәтүне оештыру компетенциясе буенча 543 балл туплаган һәм беренче булган.

Татарстан мөфтие Германия телеканалына: Дин безнең яшәү рәвешенә әверелергә тиеш

Татарстан мөфтие Камил хәзрәт Сәмигуллин бүген Германиянең икенче каналы ZDF телевидениесе иҗат берләшмәсе белән очрашты.

Минтимер Шәймиев рәссам Ринат Анимаевның “Париж язы” күргәзмәсендә булды

Ринат Анимаев – чыгышы белән татар булган француз рәссамы.