Җәмгыять

"Юность” мәдәният йорты һәр балага сәхнәдә чыгыш ясау хокукы бирә

Мәдәният йорты скверында узачак “Мәрхәмәтлелек ул – син” беренче хәйрия чарасында теләге булган һәр бала сәхнәгә чыга алачак.
17.05 11:56

(Казан, 17 май, “Татар-информ”, Чулпан Шакирова). Казанның “Юность” мәдәният йорты һәр теләгән балага сәхнәдә чыгыш ясау хокукы бирә. 19 майда мәдәният йорты скверында узачак “Мәрхәмәтлелек ул – син” бәйрәмендә шундый шанс бирелә. Бу хакта “Татар-информ”га “Юность” мәдәният йорты директоры урынбасары Азат Фазылҗанов хәбәр итте.

“19 майда, үзебезнең мәдәният йорты скверында, “Мәрхәмәтле Казан” проекты кысаларында, “Мәрхәмәтлелек ул - син” дигән бәйрәм уздырачакбыз. Аның максаты – социаль оешмаларда, аз керемле һәм күп балалы гаиләләрдә тәрбияләнүче балаларны актив тормыш рәвешенә чакыру, яшь буында мәрхәмәтлелек, хөрмәт, дуслык, җаваплылык хисләре тәрбияләү”, – диде урынбасар.

Программада төрле уеннар, конкурслар, мастер-класслар каралган. Шулай ук бәйрәм кунакларын “Юность” мәдәният йортына йөрүче талантлы балалар, иҗат коллективлары, якындагы балалар бакчасы балалары катнашындагы бай эчтәлекле концерт көтә. Шулай ук пионерия чорына тарихи сәяхәт тә оештырылачак. 

Бәйрәмгә төрле мәктәп, уку йортлары студентлары, ветераннар чакырылган.

“Ачык һавада бу безнең беренче хәйрия чарасы. Ә мәдәният йортында инде без мондый проектларны еш уздырып торабыз. Ишегалдында зур банер куябыз. Бәйрәм кунаклары “Мәрхәмәтлелек ул - ...” дигән җөмләне дәвам итәргә тиеш. Ә чараның төп кульминациясе дип мин, “Ачык микрофон”ны атар идем. Бу көнне һәр теләгән бала сәхнәгә күтәрелеп, үз осталыгын күрсәтә алачак”, - диде Азат Фазылҗанов.

  • Бәйрәм чарасы 11. 00 сәгатьтә башлана. Керү ирекле.

КӨН ҮЗӘГЕНДӘ

20 августның төп вакыйгалары - фото һәм сылтамалар

Камил хәзрәт Сәмигуллин Корбан бәйрәме белән котлады, Татарстанда бөртекле һәм кузаклы культураларның 60 проценттан артыгы суктырылды.

Мәскәүдә Әлфия Авзалова истәлегенә концерт булды

Сәхнәдә Венера Ганиева, Марсель Вагыйзов, Алинә Шәрипҗанова, Илнар Миранов, Татарстан Дәүләт җыр һәм бию ансамбле артистлары чыгыш ясады.

Разил Вәлиев яшь укытучылар белән очрашуда туган телне ничек сакларга икәнен әйтте

“Чит телләр белү – байлык, туган телеңне белү – бәхет ул”, - диде Разил Вәлиев.

Васил Шәйхразиев "Татар моңы" бәйгесенең киләчәге булыр дип ышана

Камал театрындагы тамашаны Зөлфәт Зиннуров һәм Роза Әдиятуллина, Замирə Рəҗəпова һəм Ришат Əхмəдуллин алып бара.

"Татар моңы" бәйгесенең өч хөкемдарына халык артисты исеме бирелде

Г.Камал исемендәге театрда "Татар моңы" Халыкара яшь башкаручылар телевизион конкурсының гала-концерты бара.