Сәясәт, Җәмгыять

Сессиядә туган телләрне укыту турында закон проектын карауны тәкъдим итәчәкбез – Р.Вәлиев

Сессиянең көн тәртибенә бу мәсьәлә өстәмә сорау буларак кертелергә мөмкин.
23.05 16:40

(Казан, 23 май, “Татар-информ”, Гөлнар Гарифуллина). Иртәгә Татарстан Республикасы Дәүләт Советы утырышында туган телләрне ирекле укыту турында закон проекты турында мәсьәләне кабат карарга җыеналар. Бу хакта бүген Фәннәр академиясендә узган очрашуда парламентның Мәгариф, мәдәният, фән һәм милли мәсьәләләр комитеты рәисе, депутат, шагыйрь Разил Вәлиев хәбәр итте.

“Кичә генә Дәүләт Думасыннан телләрне ирекле укыту турында закон проекты килеп төште. Иртәгә сессиядә карарга җыенабыз. Бер генә көн калды, әмма без бүген шуның белән шөгыльләнәбез”, - дип белдерде ул.

Разил Вәлиев “Татар-информ” агентлыгы хәбәрчесенә иртәгә иртән комитет утырышы булачагын әйтте. “Мин комитетка шул мәсьәләне чыгаруны тәкъдим итәм. Комитет моны хуплар дип уйлыйм. Без үз фикеребезне Дәүләт Думасына мөрәҗәгатьтә әйттек бит инде. Закон проекты буенча мәсьәләне сессиянең көн тәртибенә тәкъдим итәбез. Депутатлар тавыш бирәчәк. Көн тәртибенә кертелгәннән соң, без бу турыда сүз алып барачакбыз. Карарыбызны кабул итеп, Мәскәүгә һәм 85 субъектка җибәрәчәкбез”, - диде.

Президим утырышында көн тәртибенә 12 сорау кертелгәне әйтелде. Туган телләрне ирекле укыту турында закон проектын карау өстәмә сорау буларак тәкъдим ителәчәк.

  • Татарстан Республикасы Дәүләт Советының Дәүләт Думасына туган телләрне ихтыяри өйрәнү закон проектына каршы мөрәҗәгатен илнең өч республикасы - Кабардино-Балкария Республикасы, Калмыкия һәм Дагыстан парламентлары хуплаган.

 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

Кариев театрында ребрендинг: үзгәрешләр логотиптан башланып фойе һәм залларга да кагылачак

Яңа театр сезоны ачылыр алдыннан Кариев театры матбугат конференциясе үткәреп, үзенең алдагы планнары белән таныштырды.

Кариев театры премьералар парады вәгъдә итә

Кариев театры яңа сезонын 4 октябрьдә “Куян Эдвардның гаҗәеп сәяхәте” спектакле белән ача.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.