Сәясәт, Татар дөньясы

Туган телләрне укыту турында закон проекты авторларын Татарстанга чакыру кирәк - депутат

“Ул депутатлар балалар, ата-аналар белән аралашсын, күрсен иде”, - ди депутат Ксения Владимирова.
24.05 15:57

(Казан, 24 май, “Татар-информ”, Гөлнар Гарифуллина). Бүген Татарстан Республикасы Дәүләт Советы депутаты Ксения Владимирова туган телләрне ирекле укыту турында закон проектын әзерләүчеләрне Татарстанга чакыру тәкъдиме белән чыкты. Бу хакта ул сессия утырышында федераль закон проекты буенча фикер алышуда белдерде.

Ксения Владимирова үзенең ике телдә сөйләшүчеләр гаиләсендә үскәнен билгеләп узды. “Мин татар телен өйрәндем, мәктәптә дә укыдым, өйдә дә ишетеп үстем”, - ди ул.

Аның фикеренчә, закон проекты авторларына Татарстанда туган телне укыту ничек оештырылганын күрсәтү файдалы булыр иде. Ул закон проекты инициаторларының бары берсенең генә мәктәптә туган тел буларак икенче телне өйрәнүен шәрехләде. “Бу депутатларны республикага, мәктәпләргә чакырырга тәкъдим итәм. Алар балалар, ата-аналар белән аралашсын, күрсен иде. Шул вакытта, бәлки, бу закон федераль дәрәҗәдә кабул ителмәс дип ышанабыз”, - ди ул. Ул депутатларны закон проектын хупламауларын сорады. Ә Татарстаннан Россия Дәүләт Думасы депутатларына дискуссияләрне дәвам итәргә тәкъдим итте.
 

КӨН ҮЗӘГЕНДӘ

Р.Миңнеханов: Сингапур белән элемтәләрне үстерүдә Татарстан төбәк дәрәҗәсендә катнаша

Россия һәм Сингапур арасында дипломатик мөнәсәбәтләрне Сингапурның беренче Премьер-министры Ли Куан Ю урнаштырды, диде Максим Акимов.

20 сентябрьнең төп вакыйгалары - фото һәм сылтамалар

"Калеб" проектлары Кариев театрында күрсәтеләчәк, ТНВ каналы “Көтелмәгән кунак” кинокомедиясен тәкъдим итте, Казанда татар юмор мәктәбен булдыралар.

ТНВ каналы “Көтелмәгән кунак” кинокомедиясен тәкъдим итте

Сериал эфирга 22 сентябрь көнне сәгать 15.30 чыгачак.

“Янган-тау” Россиядә ЮНЕСКОга кертелгән беренче геопарк булачак

Халыкара экспертлар Башкортстандагы “Янган-тау” геопаркындагы барлык объектларның геологик һәм тарихи кыйммәтен билгеләгән.

Сергей Осипов гриппның куркыныч өзлегүләргә китерү ихтималын аңлатты

Гриппка каршы вакцинация үткәргәндә, ата-аналар арасында аңлату эшләре тиешле дәрәҗәдә алып барылырга тиеш, дип саный белгечләр.