Сәясәт, Җәмгыять

Татарстанда сайлаучылар яшәү урыны буенча тавыш бирә алачак - комитет рәисе

Альберт Хәбибуллин әйтүенчә, төбәкләргә тавыш бирү процедурасын мөстәкыйль билгеләү хокукы бирелгән.
25.05 09:29

(Казан, 25 май, “Татар-информ”, Гөлнар Гарифуллина). Татарстан Республикасы Дәүләт Советы депутатлары Сайлау кодексына үзгәрешләр кертте. Әлеге үзгәрешләр фактик яшәү урыны буенча сайлау процедурасын үзгәртүгә юнәлдерелгән. Алар ТР Президентын һәм Дәүләт Советы депутатларын сайлауларда теркәлү урыны буенча исемлектән төшерү таныклыгыннан башка да тавыш бирү хокукын күздә тота.

Дәүләт корылышы һәм җирле үзидарә буенча комитет рәисе Альберт Хәбибуллин закон проектының узган утырышта икенче укылышта кабул ителгәнен искәртте. Билгеле булганча, быел 18 мартта Россия Федерациясе Президентын сайлаганда да, яшәү урыны буенча тавыш бирү мөмкинлеге бирелгән иде. Альберт Хәбибуллин әйтүенчә, төбәкләргә тавыш бирү процедурасын мөстәкыйль билгеләү хокукы бирелгән. Яшәү урыны буенчамы, әллә теркәлү урыныннан исемлектән төшерү таныклыгы белән генә тавыш бирүме, вакытыннан алда тавыш бирү – субъект моны үзе хәл итә ала.

Депутатлар, шулай ук, сайлау вакытында ТР Иҗтимагый палатасы тарафыннан күзәтүче билгеләнүе турында төзәтмәне хуплады. “ТР Сайлау кодексына һәм аерым закон актларына үзгәрешләр кертү турында” закон проекты тулаем кабул ителде.

 

КӨН ҮЗӘГЕНДӘ

Рөстәм Миңнеханов: Бүген халык белән эшләү бөтенләй башка төрле

Социаль һәм электрон мәйданчыклар хакимият белән халыкның үзара элемтәсен радикаль рәвештә җиңеләйткән.

Истанбулда төрки дөньяның социаль челтәре – “Төркитуй” эшли башлады

"Төркитуй" - бер тамырдан килүче, төрки телләрдә сөйләшүче халыкларның бер-берсе белән уңайлырак аралашулары өчен булдырылган.

Татарстан хөкүмәте 2019 елда зур концерт залын төзү эшләренә керешергә ниятли

Хәзерге вакытта Татарстан җитәкчелеге объектның концепциясен раслый, төрле юнәлешләрне һәм мәйданнарны карый, диде Рөстәм Миңнеханов.

Рөстәм Миңнеханов: “Казан” милли-мәдәни үзәген Милли китапханә өчен зурайтачаклар

Мөмкинлекләре һәм җәлеп итүчәнлеге буенча “Казан” милли-мәдәни үзәге кебек урын башка бер җирдә дә юк, диде Татарстан Президенты.

Синоптиклар иртәгә Татарстанда һава шартлары бозылу турында кисәтә

23 сентябрьдә төнлә һәм иртән республика территориясендә һәм Казанда томан төшәчәк.