Фән һәм мәгариф

Рафис Борһанов: Милли институт булдыру мәсьәләсе җентекләп өйрәнелә

ТР Мәгариф һәм фән министры институтта югары сыйфатлы белем бирелергә һәм бу уку йортын тәмамлаган студентларга ихтыяҗ югары булырга тиеш, дип саный.
28.05 11:14

(Казан, 28 май, “Татар-информ”, Ләйлә Хәкимова). Бүген татар милли педагогика институты булдыру мәсьәләсе җентекләп өйрәнелә. Татарстан Республикасы Мәгариф һәм фән министры Рафис Борһанов институтны ачу белән генә түгел, анда югары сыйфатлы белем бирелергә һәм әлеге уку йортын тәмамлаган студентларга ихтыяҗ да югары булырга тиеш, дип саный. Бу хакта ул “Татар-информ”га биргән интервьюсында хәбәр итте.

“Килешәм, бүген милли, шул исәптән педагогик кадрлар әзерләү мәсәләсе килеп туды. Укытучыларга булган ихтыяҗның 20% - билингваль даирәдә эшләүгә сәләтле, ике дәүләт телен дә камил белгән укытучыларга ихтыяҗ. Бүген милли институт булдыру мәсьәләсе җентекләп өйрәнелә. Төрле вариантлар карала. Социологик тикшеренүләр үткәрелә. Чөнки институтны ачу белән генә түгел, анда югары сыйфатлы белем бирелергә һәм әлеге уку йортын тәмамлаган студентларга ихтыяҗ да югары булырга тиеш”, - ди ул.

Татарстан Республикасы Мәгариф һәм фән министры хәбәр итүенчә, 2016 елдан Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасы кысаларында министрлык Казан (Идел буе) федераль университеты, Яр Чаллы дәүләт педагогия университеты белән берлектә татар мәктәпләре өчен берьюлы ике белгечлек буенча педагогик кадрлар әзерләү эшен башлап җибәргән. Мисал өчен, “татар теле, әдәбияты укытучысы – башлангыч сыйныф укытучысы”, “татар теле, әдәбияты укытучысы, балалар бакчасы тәрбиячесе”. Югары уку йортлары алдына педагогик кадрлар әзерләүгә таләпләрне көчәйтү, программаларны камилләштерү максаты да куелган.

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

Рифкать Әхмәтҗанов әзерләгән этимологик сүзлекнең икенче бүлеген туганнары чыгарачак

“Татар теленең этимологик сүзлеге” авторы, инфаркт булу сәбәпле, вафат.

Дәүләт Советы Рәисе Фәрит Мөхәммәтшин Әлмәттә Парламент дәресе бирде

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара

16 октябрьнең төп вакыйгалары - фото һәм сылтамалар

Татарстан Тунис белән хезмәттәшлек итәчәк, Габдулла Тукай турында китап тәкъдим ителде, беренче татар ораториясен студентлар әзерли.

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.